〈精品六宮格〉🍱
呢樣係幾乎每個黎食嘅客人都會點嘅前菜，可以試到唔同款式嘅小食，今次有海蜇、醬油肉鬆豆腐、川味皮蛋、鴨舌、秋葵，同埋話梅小蕃茄，樣樣都好啱口味，兩個人分享啱啱好。
〈潮式凍魚〉🐟
呢樣就似平時食潮州打冷嘅凍烏頭咁，但係就冇喺出邊食嘅咁鹹，餐廳已經將條魚起晒骨，所以每一啖都係啖啖魚肉，啲肉質都非常唔錯。
〈閩式紅糟肉〉🐷🥓
呢樣就好似平時食開嘅東坡肉咁，不過呢度就切開細細舊，鹹鹹地又甜甜地，肥瘦均勻，肥嘅部份重好重膠質。
〈餸記炒米粉〉🍝
呢度嘅炒米粉係我食過最好食嘅，好友鑊氣，而且仲落埋蠔仔一齊炒，加埋好似口水汁嘅辣椒醬撈埋一齊食，又係另一種風味，一定係必試！
另外蒜香炒油麥菜都唔錯，見到呢間餐廳越來越多人嚟食，證明佢嘅嘢食都有咁上下水準，推介大家去試吓。👍🏻
