OPPA韓國燒肉店

Open Now

Now Closed

最近冇得去韓國旅行，唯有食韓燒滿足下自己啦！食韓燒當然唔少得要有泡菜同爐邊蛋啦！然後我發現呢個烤盤設計好特別，係打斜㗎！但係當我放咗塊五花肉落去之後就完全明白晒啦！係會將食物多餘嘅油sir晒落下面嗰格，wahoooo!可以盡情放心食五花腩！揀咗一人份五花腩，厚厚三大塊肉，煎到兩邊金黃食包菜食就最正啦！豬頸肉又係另一款大推嘅肉類！醃過嘅豬頸肉好夠味，切咗一條條所以好容易熟！呢個用嚟包菜食就最好味啦！邊位燒到脆一脆帶嚟外脆內軟嘅口感，正架！另外仲叫咗韓式海鮮煎餅同埋豬肉石鍋拌飯，話時話啲豬肉好有叉燒feel😂有少少調味，用嚟拌飯都OK啦！海鮮煎餅感覺韓式，如果餡料多啲就更加好啦！天時暑熱梗係要嘆番杯冰凍嘅梨汁柚子梳打啦！梨汁同柚子嘅份量可以作為點綴，再配搭冇卡路里嘅梳打水，真係女士減肥嘅恩物啊！