高麗軒韓國料理 (Closed)

曾經食過無數的韓燒，今晚去的「高麗軒」最令我滿意。肉類品質有水準，抽煙系統好，服務快而準。兩小時任飲任食只$218，如喜歡的話加$38為升級版，當然不會吝嗇那幾十元食豪啲啦。肉眼扒，牛排骨，牛頸肉，熊本霜降牛肉....綜合多款牛，我特別鐘情霜降牛和牛排骨。霜降牛肉紋理分明均稱，油脂充滿口腔，味濃軟腍。牛排骨調味恰到好處，入口鬆化，滋味！重覆點了多次。咪被黑毛豬腩肥膏嚇襯，燒起上來，脂肪溶化特別香口，肉質又不韌，讚呀！海鮮有蝦，花甲，帶子，凡立貝.....好鮮好甜美。尤其蝦隻，爽脆彈牙。友人對帶子讚不絕口。燒雞翼不容錯過，燒到微微焦香，嫩滑有肉汁，正！隨了燒烤，還有其他如湯類，飯類...可任叫的。隨意地叫了海鮮煎蔥餅，雖然海鮮料並不太多，但蛋味夠香濃。豆腐辣湯如再辣多些少，咁就更完美了。以咁嘅價錢食到咁嘅質素，相當不錯，值得推介。