平昌

Open Now

Now Closed

兆萬中心樓上好多食店，有打邊爐，台灣菜，日式放題等等... 非常多選擇，今次我地選擇左食韓燒。呢到一個價錢可以任食兩小時，有海鮮，豬，牛，腸，蔬菜等，仲有部分熟食可以點，飲品選擇亦都唔少，連啤酒都有。最鍾意食牛，點左好幾款分別有「烤LA牛排骨」，呢款用醬汁醃左，醬汁甜甜，肉質入口鬆化。再黎，烤牛肉 （光陽調味），醬汁味道同樣是甜甜的，肉質較牛排骨薄，肉質更軟林。個人比較鍾意原汁原味的烤牛脷，牛舌爽口，加埋牛脷切得厚厚地，質感爽脆，入口口感好豐富。最最推介烤牛助骨肉，是沒有加任何調味的，入口富牛肉香，有咬口，肉質與脂肪比例恰好，重點追加之一。雖然鍾意食牛，不過呢到豬方面同樣蠻值得讚的，「烤特級豬頸肉」，豬頸肉口感爽油香。「照燒豚五花肉」相對無豬頸肉油脂感咁重，勝在肉質有甜味，同樣很不錯。