韓國知名豬腳、薯仔脊骨湯品牌 Jokbal Night
Market係中環開幕啦！中環呢間專食韓式豬手同脊骨薯仔湯真係好掂呀！完全還原到韓國嘅味道😍✨
🐷🍲叫咗佢哋最出名嘅 SET: 原味豬手加薯仔脊骨湯，真係必嗌！
原味豬手: 大大份香辣豬手，煮得軟淋入味，啖啖肉唔會膩!
🍲薯仔脊骨湯: 勁濃郁，脊骨同薯仔都煲到腍晒，飲完成個人暖笠笠㗎～再加埋啲韓式前菜，夠晒正宗，食落超滿足！
🐷韓式涼拌豬手: 一食難忘！同傳統熱食豬手唔同，呢款涼拌版本用咗凍豬手片，配搭七彩蔬菜絲同秘製酸辣醬汁，食落爽口唔膩。
🧀🌽新產品: 粟米醬 x 芝士醬雙重邪惡攻擊🧀
招牌辣豬手竟然可以配搭兩種秘製醬汁：香甜粟米醬同熔岩芝士醬！ 一碟豬手兩種食法，完全顛覆傳統韓式豬手嘅體驗～
🤤海鮮韭菜煎餅: 煎得香香脆脆，入面有唔少海鮮同韭菜，口感豐富，點埋啲醬汁食，真係停唔到口㗎！
🍜韓式蕎麥冷麵: 同熱辣辣嘅薯仔湯形成完美反差，呢碗冰鎮冷麵用咗蕎麥製成，口感煙韌帶嚼勁，食落透心涼！
🍶韓國米酒Makgeoli
酒精濃度得6%左右 ，飲落清爽又唔會太醉人，特別適合配濃味韓式料理！豬手嘅膠質同馬格利嘅清爽酸味形成完美平衡 ，米酒可以減低油膩感，令人食更多都唔滯。
