Bingo & Cook (京都廣場)

Open Now

Now Closed

近排度度都見到任食醬油蟹，搞到我都心思思都食🤤 我同朋友今次就揀咗間人氣韓國餐廳！一入門口，環境已經畀我一個好大驚喜，韓式街頭風滿滿，牆上掛滿小燈同K-pop明星相，好似坐緊喺韓國大排檔食野咁，幾有特色！餐廳氣氛熱鬧，播住K-pop，喺度食飯真係好似置身韓國街頭咁有Feel～今次我哋嗌咗個$348蟹乸醬油蟹任食餐，再散嗌咗個7月全新升級嘅韓式燒牛腸連燒韓牛，話晒要試晒佢哋嘅招牌菜！🍽️醬油蟹（$348蟹乸任食餐）呢個醬油蟹真係好正！$348嘅蟹乸第一碟有蟹蓋，蟹膏滿滿，鹹香得黎帶點甜，入口超滿足！之後無限追加嘅係雄蟹，雖然無蟹蓋同少咗啲膏，但蟹肉依然鮮甜，份量都唔細，質素Keep得好好。醬油味滲入蟹肉，啖啖都係鮮味，食完一隻真係想再嗌多幾隻！配上紫菜飯，簡直絕配，飯粒吸晒醬油嘅精華，食到停唔下來！🍽️蒜蓉牛油炒蟹呢道菜真是一個驚喜！店員即場喺鐵板上炒，蒜蓉同牛油嘅香氣一上枱已經令人流晒口水。蟹肉嫩滑，蒜香同牛油完全融合，濃郁得黎唔會太膩，個醬汁真係勁好味！🍽️烏冬炒年糕作為任食餐嘅一部份，烏冬炒年糕真是一個亮點！烏冬彈牙，年糕煙韌，醬汁帶點甜辣，攪拌均勻後每條烏冬同年糕都掛滿醬，食落好惹味。