Wingman (Closed)

之前聽個朋友講，佢係wingman係雞翼放題食得好開心，成日叫我去試下，今日放工冇野做，去啦！好，坐低睇吓有咩好食先。其實我食唔多，所以冇揀放題，今次散叫。新加坡辣蟹味，有乾蒜、香葱、辣椒、薑，加埋辣汁同茄汁，果種好似爆炒辣蟹嘅味岀左黎，雞翼又大大隻厚肉，食得好開心。自家製鹹蛋黃，個鹹蛋黃好正，鹹得黎果種油香，食落口油脂係口腔遊走，好回味！雞翼炸得好香脆，醃得好入味。黑椒麻油香炒毛豆，個豆炒得唔錯，好香麻油醬汁味，食落唔會dryPassion mango soda，食完啲熱辣辣嘅嘢，飲杯清涼soda，熱情果酸酸甜甜，爽呀！