韓燒大叔

Open Now

Now Closed

最近同朋友去咗旺角韓燒大叔，二百幾蚊就有韓燒放題，仲有晚市訂枱優惠(3選1)，我哋揀左每四人 送 原塊安格斯西冷牛扒，好抵食！🌟高質肉類海鮮超多款，仲有醬油蟹！肉類、海鮮、刺身選擇超多，牛肉質素勁高，有牛菲力、牛舌、美國安格斯、澳洲草飼黑安格斯牛頸脊等，切片厚薄適中，每塊都鮮嫩多汁，烤到微焦最正！五花腩金黃香脆，用生菜包埋泡菜同蜜糖芥末醬，口感層次豐富。海虎蝦超鮮甜，炭香四溢，真係會停唔到口！🌟滋味地道韓式小食，仲有刺身😱😱😱未燒肉前嘅小食都好有驚喜，柚子單骨雞翼清新開胃，泡菜煎餅夠惹味，三文魚刺身同醬油蝦都新鮮滑溜。熱食有炸雞、蛋卷、紫菜包飯等，款式齊全，食到好滿足。本來想試醬油蟹但賣晒，唯有下次再戰！🌟甜品蔬菜，仲有多款韓式啤酒🍻甜品區即叫即製格仔餅配雪糕，熱辣辣加冰凍雪糕，完美ending！環境乾淨舒適，服務細心，建議早啲去，因為成場都爆滿！見到門口話💰17:00入座 (19:00前離座) 或 21:00後入座每位即減$40，而且60歲以上長者惠顧放題可享 85折優惠。限星期星期日至四，不包括公眾假期。鍾意去食韓燒嘅朋友記得唔好錯過。