Video
Read full review
2007-07-11
29-5-2007 1943同事生日，指定要黎呢度慶祝，自己又想試下呢度，立即應承。連埋話事人共有9人，一早訂了房，而當晚食店只有5成滿。點菜時，飲番杯冰凍啤酒，我就叫了OB啤，味道有點似生力，自己沒有特別喜歡任何濃淡味，總之唔係熱啤就得。點了菜後就立即上八小碟，有辣乾豆腐、泡菜、大豆芽菜菠菜、甜乾魚仔、豆角乾蝦仁、薯仔、煎年糕、青瓜豆腐絲，薯仔同我地平時食開有點不同，偏向較粉及甜，有點似蕃薯，而泡菜酸辣度係我較為喜歡，其他都不過不失，亦幾豐富。其他菜式陸陸續續上場，可分為烤物及熟食。烤物有魷魚、兩碟蝦、牛肉及豬頸肉、還有韓式豬肉醬、蒜頭、紫蘇葉、西唐生菜、切粒青辣椒、金菇及磨菇一齊，有侍應幫我地燒埋，好似食包生菜，如果想多的野食，叫雜錦拼盤會比較化算。然後熟食亦陸續上場。首先係鐵板泡菜豬頸肉豆腐，兩邊放了三件切大片豆腐，沒有混埋豬頸肉及泡菜，泡菜沒有之前前菜的辣，值得推介；韓式雜錦拼盤係我點，有點似港式煎釀三寶，但呢個的色水黎得豐富，除了紫茄瓜外，還有青及紅茄瓜，它們是點雞蛋漿炸成，而茄瓜上面的是豬肉，炸得不算香脆，亦不容易熱氣，就咁食味道亦相當清新；在同事點菜之中，感到奇怪又新鮮係
同事生日，指定要黎呢度慶祝，自己又想試下呢度，立即應承。連埋話事人共有9人，一早訂了房，而當晚食店只有5成滿。
點菜時，飲番杯冰凍啤酒，我就叫了OB啤，味道有點似生力，自己沒有特別喜歡任何濃淡味，總之唔係熱啤就得。點了菜後就立即上八小碟，有辣乾豆腐、泡菜、大豆芽菜菠菜、甜乾魚仔、豆角乾蝦仁、薯仔、煎年糕、青瓜豆腐絲，薯仔同我地平時食開有點不同，偏向較粉及甜，有點似蕃薯，而泡菜酸辣度係我較為喜歡，其他都不過不失，亦幾豐富。其他菜式陸陸續續上場，可分為烤物及熟食。
烤物有魷魚、兩碟蝦、牛肉及豬頸肉、還有韓式豬肉醬、蒜頭、紫蘇葉、西唐生菜、切粒青辣椒、金菇及磨菇一齊，有侍應幫我地燒埋，好似食包生菜，如果想多的野食，叫雜錦拼盤會比較化算。
然後熟食亦陸續上場。首先係鐵板泡菜豬頸肉豆腐，兩邊放了三件切大片豆腐，沒有混埋豬頸肉及泡菜，泡菜沒有之前前菜的辣，值得推介；韓式雜錦拼盤係我點，有點似港式煎釀三寶，但呢個的色水黎得豐富，除了紫茄瓜外，還有青及紅茄瓜，它們是點雞蛋漿炸成，而茄瓜上面的是豬肉，炸得不算香脆，亦不容易熱氣，就咁食味道亦相當清新；在同事點菜之中，感到奇怪又新鮮係韓式炸雞，食韓國菜都有呢味野？原來佢用類似我地咕嚕的整法，首先將雞件炸，然後用甜酸汁去鋪在面，一點醬汁沒有漏出，還灑上芝麻，真係食緊咕嚕雞，而薯條同之前前菜一樣粉及甜，這味亦叫得過；而重頭戲就係海鮮湯，材料有八爪魚、蝦、魚塊、青口(Mussel)，他們預先與紅色湯料放係煲到翻熱，待滾番後，待應就將金菇、荽茜及蒜心，一齊放落去，然後將八爪魚等剪開細件，味道不辣，好有海鮮味道，唯一問題係魚有鱗。
最後附送的甜品，我要了黑芝麻雪糕，味道都好好。以我對食要求極低標準來說，食物都叫做不錯，但未去到中上至頂級。待應方面都跟得幾緊，有求必應，加上大家都食得開心，俾番個笑臉啦。
最後補上一句：生日快樂！
Post
