釜山商會

今日過嚟韓國街覓食，真係成條街都好多韓式餐廳，最後揀左呢間由韓國Oppa主理的充滿地道韓式風味的韓國餐廳。前菜三點，有甜豆🫛、泡菜、蘿蔔，甜豆幾特別，泡菜夠晒酸同爽脆，全部都夠晒開胃🤤。全球首創-釜山商會”章三蝦”一人鍋＄128果然係全球首創，第一次見到韓國餐廳有呢個菜式食，而且係好大隻八爪魚🐙就咁上，俾左剪刀俾你自己剪開慢慢食，有分辣味同吾辣。我揀咗唔辣。首先個湯底都好濃郁好香，好似飲緊椰子豬骨湯咁，入面啲配料都好足料，有蝦仁🍤、大大塊豬腩片、娃娃菜同菇。