Video
Read full review
2016-03-04
417 views
韓國美食近年大行其道，當中「韓式炸雞配啤酒」更係好多人嘅摯愛。不過除咗炸雞之外，烤雞亦都開始備受追捧。用烤嘅方式取代傳統油炸，油膩感大減之餘，又相對無咁熱氣，令人有本錢食多幾件！The Hwaduk 喺韓國只係開咗三年，但已經有超過30間分店，實力絕對不容忽視。上年去韓國旅行時都有幫襯過，食完覺得唔錯，都有推介俾即將去韓國旅行嘅朋友，等佢哋都可以揾機會去試吓。當我知道餐廳喺香港開咗海外第一間分店時，當然要嚟支持吓。餐廳設計同韓國本店差唔多，裝潢簡約，環境寬敞，加上長播k pop，令你好似置身韓國本店咁。店內提供幾款烤雞嘅口味，我本身鍾意食辣，所以揀咗BBQ味。烤雞用上一只雞嘅分量，雞隻本身脂肪少，肉味濃，而且不經油炸，唔會一咬落去就成口油。BBQ汁甜中帶辣，十分惹味。另外，值得一讚嘅就係雞胸同埋雞髀肉都唔會嚡口，烤嘅時間掌握得幾好。餐枱上所擺嘅餐具並唔係一般嘅刀叉組合，反而係一個夾仔配叉嘅組合。我個人都幾鍾意用夾仔，因為比較靈活。食烤雞又點少得最佳拍檔 - 啤酒！有去過韓國嘅朋友相信或多或少都曾經幫襯過小攤檔所賣嘅魚糕湯。企喺街邊篤幾串，就好似我哋喺香港街邊篤串魚蛋一樣咁平常。當魚糕鍋
The Hwaduk 喺韓國只係開咗三年，但已經有超過30間分店，實力絕對不容忽視。上年去韓國旅行時都有幫襯過，食完覺得唔錯，都有推介俾即將去韓國旅行嘅朋友，等佢哋都可以揾機會去試吓。當我知道餐廳喺香港開咗海外第一間分店時，當然要嚟支持吓。
餐廳設計同韓國本店差唔多，裝潢簡約，環境寬敞，加上長播k pop，令你好似置身韓國本店咁。
店內提供幾款烤雞嘅口味，我本身鍾意食辣，所以揀咗BBQ味。
烤雞用上一只雞嘅分量，雞隻本身脂肪少，肉味濃，而且不經油炸，唔會一咬落去就成口油。BBQ汁甜中帶辣，十分惹味。另外，值得一讚嘅就係雞胸同埋雞髀肉都唔會嚡口，烤嘅時間掌握得幾好。
餐枱上所擺嘅餐具並唔係一般嘅刀叉組合，反而係一個夾仔配叉嘅組合。我個人都幾鍾意用夾仔，因為比較靈活。
食烤雞又點少得最佳拍檔 - 啤酒！
有去過韓國嘅朋友相信或多或少都曾經幫襯過小攤檔所賣嘅魚糕湯。企喺街邊篤幾串，就好似我哋喺香港街邊篤串魚蛋一樣咁平常。當魚糕鍋上枱時，同朋友不禁互望一下，因為我哋都覺得份量咁多，究竟食唔食得晒呢？
呢個魚糕同魚捧係厚切兼放大版，幾乎同個鍋嘅直徑一樣長。老闆娘好好，等我哋影晒相後，主動幫我哋剪開成條狀，方便進食。
魚糕鍋基本上盛滿唔同款式嘅魚糕，大約有5-6款。魚糕魚肉味濃，都幾彈牙。另外，湯底用上白蘿蔔，好鮮甜。
呢款魚糕內釀咗米粉，帶點微辣。除咗呢款之外，其他都係冇餡嘅。小結：餐廳雖然選址高級食廈，但收費都算親民，而且份量都幾大，建議約埋多啲朋友嚟，咁就可以試多幾款烤雞，最重要係唔限時，一班朋友想坐耐啲傾吓偈都可以。
Post
