叫咗兩杯乳酪飲：一杯藍莓、一杯士多啤梨，乳酪唔會太酸，生果味同乳酪味相互平衡，甜味出眾（尤其是士多啤梨味），解辣一流。
佢個海鮮辣湯麵好出色，淨係為咗佢嚟食都抵！麵條彈牙，本身以為係坊間入貨嗰隻麵底，但原來同餐牌上面其他嘢一樣全部都係自家製、仲要喺韓國人煮料。所以用料充足：青口打大隻隻、啖啖肉，有大塊魷魚片、大蝦，同埋同佢唔到嘅鵪鶉蛋，十分有特色，湯底微辛唔嗆喉，食得好舒服滿足。
不得不提佢新出嘅海鮮玫瑰奶油炒年糕：韓式腸仔加埋芝士有層次，脆皮加上融咗嘅芝士，有奶味香；芝士拉絲、加埋粟米嘅甜味又係另一層次；炸魷魚好大舊，彈牙但唔難咬；加埋玫瑰奶油，味道更加有變化，甜甜辣辣，有陣陣泡菜香，令人想一食再食。必讚係佢嘅年糕，軟糯但唔痴牙，啖啖米香，係傳統嘅年糕風味。魚糕有質感，魚味都有。隱藏帶子有驚喜。更加估唔到係有free photo boxes 同埋個萬聖節活動，食滿500蚊可以有刮刮卡，最高可以中到500蚊餐飲券！
#outdarkhk #香港美食 #香港必吃
1
8
