Video
Read full review
2022-09-06
185 views
今日黎咗好熱門嘅平昌食韓燒，真係好興奮呀，我要食好多好多肉！今次被安排到房仔入面坐，呢度有三張枱，如果多人黎包晒成個房，一定好好feel。呢度仲有個好處就係比較少油煙，坐得耐都唔會好辛苦一坐低，侍應就已經快快手上晒前菜同埋醬料，泡菜同埋芽菜都係幾好味，唔會好水汪汪，感覺都係新鮮嘅呢度嘅熟食選擇都唔少，安東燉雞非常之出色，雞肉煮到好淋，但亦保持倒佢肉嘅彈性，味道就當然係非常入味。今次我仲係食世子御膳，多好多選擇，而且有更多肉類同海鮮嘅選擇。非常推介世子御膳嘅牛肉，因為佢地唔會有太多腌料，更容易食得出牛肉本身嘅香味。世子御膳仲有一個非常好嘅item,就係五花肉！我曾經都去過韓國食燒五花肉，個感覺係比燒牛更加好食，而呢度嘅五花肉都係超乎常人咁好味，用生菜包住食，唔單止唔覺油膩，而且仲突出咗肉本身嘅香味！最後都叫咗唔少嘅熟食同埋冷盤，呢度嘅沙律同埋炒粉絲都係幾有水準嘅，作為呢餐一個好好嘅結局~
今日黎咗好熱門嘅平昌食韓燒，真係好興奮呀，我要食好多好多肉！
今次被安排到房仔入面坐，呢度有三張枱，如果多人黎包晒成個房，一定好好feel。呢度仲有個好處就係比較少油煙，坐得耐都唔會好辛苦
一坐低，侍應就已經快快手上晒前菜同埋醬料，泡菜同埋芽菜都係幾好味，唔會好水汪汪，感覺都係新鮮嘅
呢度嘅熟食選擇都唔少，安東燉雞非常之出色，雞肉煮到好淋，但亦保持倒佢肉嘅彈性，味道就當然係非常入味。
今次我仲係食世子御膳，多好多選擇，而且有更多肉類同海鮮嘅選擇。非常推介世子御膳嘅牛肉，因為佢地唔會有太多腌料，更容易食得出牛肉本身嘅香味。
世子御膳仲有一個非常好嘅item,就係五花肉！
我曾經都去過韓國食燒五花肉，個感覺係比燒牛更加好食，而呢度嘅五花肉都係超乎常人咁好味，用生菜包住食，唔單止唔覺油膩，而且仲突出咗肉本身嘅香味！
最後都叫咗唔少嘅熟食同埋冷盤，呢度嘅沙律同埋炒粉絲都係幾有水準嘅，作為呢餐一個好好嘅結局~
Post
