靠得住粥麵小館 (Closed)

葵芳葵涌人多車多，寫字樓貨倉林立，要係lunch出去搵位食飯真係幾難。今日想食得清淡少少，諗起其實葵芳無幾多間粥店，唯有去食靠得住啦。其實佢lunch個餐牌選擇都幾多，住何一款粥品麵食，加配唔同價錢就可以有個小食，菜或者係傻子都得，要幾飽有幾飽。我地叫左兩個粥，加20蚊配個油菜，其實20蚊加幾條菜就一定唔抵架喇，但是菜係一日營養所需，每餐都應該攝取一定嘅蔬菜先健康，同埋要求左餐廳少油，都做得幾周到。我食左碗皮蛋瘦肉粥，粥底算幾綿滑，皮蛋份量都唔少，而豬肉係一絲絲咁碎上嘅，唔係乾柴咁一片片。不過份量就細碗左少少，女孩子食都唔覺好飽。仲有樣有趣嘅食佢無得攞飛，要你係門口排隊等入，而雖然入面有數張吉枱但佢都唔會叫人入座架喎，好奇怪。