生記粥麵 (Closed)

和友人行經油麻地東方街，對方要求到生記吃粥，我看一看門口，心想：「又係一些新派的粥品店，只著重門面的華麗，那有品質可言呢！」我就十分不情願光顧，於是反問友人：「好吃嗎？何不到別家去呢！」，友人笑言：「生記你都唔識，似乎你好打有限！」，唉！見佢咁講咪即管跟佢入去試一餐咁多，入到去人頭擁擁十分擠迫，使我滿不是味兒，打開餐牌發覺粥品有大、細之分，細的$18及大的$36，如果花三十幾元食碗粥，那倒不如乾脆食碟飯啦！所以我求其叫碗$21的牛腩麵作罷，友人點選了細碗的猪潤粥。當食物一上枱，才發現那細碗的豬潤粥確實一點也不細，友人一個人吃不完，所以我分了一杯羹，粥底確實企理，又香又棉，豬潤新鮮脆卜卜的且厚度適中，店舖還主動跟給一碗薑葱豉油，以便蘸食。至於碗清渴牛腩麵的牛腩肥瘦均等，肉質香口，只是麵底屬一般貨色，雖然不算差但無特別可取之處。經此一役，方知此店非平庸之輩，之前小弟確實承認有點跌眼鏡。