Video
Read full review
2021-12-20
67 views
今日提前做冬，一嚟唔需要焗住食冬至套餐，二嚟唔需要同人迫餐死。今年揀咗喺三聖邨食海鮮，我細細個就聽過呢度食海鮮好出名！菠蘿咕嚕肉 $128呢度用新鮮菠蘿，燒過嘅菠蘿甜味更突出，餐廳切好一格格，食得好方便，三色椒爽脆清甜，咕嚕肉全部去曬骨，啖啖肉， 份量都幾多下。另外我哋買咗啲海鮮俾餐廳幫我哋加工，店員好熱情咁推介煮法，出嚟嘅效果都幾好！豉油王煎大蝦大蝦煎到外殼脆卜卜，然後用蒜蓉、紅葱頭同蔥花爆香，再加入豉油調味，一上枱豉油香撲鼻，蝦肉彈牙，齒頰留香。椒鹽瀨尿蝦我第一次食咁大隻瀨尿蝦，所以非常期待呢一道菜！炸蒜粒粒都炸得夠乾身脆口，加埋辣椒粉，香辣惹味得嚟又唔會掩蓋咗瀨尿蝦本身嘅海水味，呢個配搭真係冇得輸呀！就算唔食海鮮，呢度都有得小菜食㗎！
菠蘿咕嚕肉 $128
呢度用新鮮菠蘿，燒過嘅菠蘿甜味更突出，餐廳切好一格格，食得好方便，三色椒爽脆清甜，咕嚕肉全部去曬骨，啖啖肉， 份量都幾多下。
另外我哋買咗啲海鮮俾餐廳幫我哋加工，店員好熱情咁推介煮法，出嚟嘅效果都幾好！
豉油王煎大蝦
大蝦煎到外殼脆卜卜，然後用蒜蓉、紅葱頭同蔥花爆香，再加入豉油調味，一上枱豉油香撲鼻，蝦肉彈牙，齒頰留香。
椒鹽瀨尿蝦
我第一次食咁大隻瀨尿蝦，所以非常期待呢一道菜！炸蒜粒粒都炸得夠乾身脆口，加埋辣椒粉，香辣惹味得嚟又唔會掩蓋咗瀨尿蝦本身嘅海水味，呢個配搭真係冇得輸呀！
就算唔食海鮮，呢度都有得小菜食㗎！
Post
