Read full review
2017-06-10
47 views
早幾日忽然間好想食小炒,朋友仔話不如去依度試下,所以就去依度食晚飯。依度食物類式都算多選擇,可以滿足大家既要求。大漠風沙雞(半隻):雞皮表面炸得非常香脆,而且色澤炸得好均勻,上面仲灑左d炸蒜蓉,仲排列好整齊,見到賣相已經好想食。咬落去表面好脆口,而且雞肉仲好嫩滑,仲有微微既炸蒜味。另風沙雞會同南乳醬一齊附上,點上南乳醬一齊食,別有一番風味。大良炒鮮奶:炒鮮奶上面灑左d花生粒,鮮奶炒得好香滑,鹹度適中,仲有淡淡既蛋香,鮮奶仲連埋鮮蝦一齊炒,蝦肉爽口彈牙,送飯一流,正!薑蔥魚腩煲:魚腩炒得好香脆,而且肉質好滑,啖啖肉。魚腩仲有好香濃既薑蔥味,好有獲氣,份量比想像中多,好味!
Post