非凡小廚 (Closed)

非凡小廚，果然如鋪名一樣非同凡響，裹面除左有大家平時食既小抄外，仲會有其他茶餐廳無既菜式，例如酥炸軟殻蟹、鐵板辣雞。呢五味餸都好滿意呢到既野飲凍檸茶，勁大杯，保證飲到你飲唔哂😂，而且支裝啤酒，店員會幫你搵個杯加冰落去，超細心。如圖所示酥炸軟殻蟹，唔至連殻都食得，最重要既係，唔會太油膩，而且炸粉唔會太厚，咬落全部啖啖蟹肉，而且d肉吸收左粉粉油，食落去更加香。椒鹽鮮魷，去到食小抄必叫之選，味道同其他小抄店差唔多，唯一唔同既係，呢間店份量好多，而且有椒鹽既配搭，「一之班」海鮮抄飯，油有點多，但係抄得都幾香🤤，加上有好多炸野送呢碟飯，簡直係完美既配搭，值得一提係，海鮮抄飯既料絕對唔吝嗇，而且好大份😋。鐵板辣雞，怕辣既朋友仔要小心，超級辣之餘，又好好食，又愛又恨，而且有醃料醃過，食落去咸咸地又辣辣地，拎黎送飯一流，份量都幾大。酥炸生蠔，勁大舊，仲要好多汁又酥脆，而且生蠔咬落好鮮甜，而且好新鮮，不過如果有醬點就好，因為份量太大既原因，食到有d濟😂，值得一試。呢間鋪落足料去煮每味餸，包你有驚喜。