茶餐廳2.0 (Closed)

今日同屋企人嚟黃大仙，搵到呢間高級茶餐廳。先講環境唔錯，室內同戶外嘅空間都有。打開餐牌...wow, 大眼眼界！選擇極多，中式西式都有齊。連雞煲都有👍🏻我揀咗「特級T骨牛扒」超大塊，7成熟剛剛好，入口好多汁，肉質唔靭，配埋黑椒汁好正。「香煎法祤羊架」好食，唔會有騷味，同燒汁好夾😋「法式焗田螺」底層仲有薯蓉，好精緻，無諗過茶餐廳可以食到呢...「鮮果茶」滿佈唔同種類生果，啖啖新鮮果肉，健康之選👍🏻好耐無飲「黑牛」兒時最愛嘅飲品，而家都唔係間間餐廳可以飲到。今餐食得豐富又滿足，連兒童餐都有，餐廳好適合不同年齡層。下次一定再嚟試其他款式。