🍽<是日餐湯-南瓜湯>
色香味俱全，西餐樣式嘅點綴，忌廉橄欖油舖面，香草伴碟，好精緻，口感好豐富，滑溜飽滿，南瓜🎃味濃
🍽<素蟹餅配芒果芫茜莎莎>
*/素蟹餅，蔥，蒜，芒果，芫茜，白醋，檸檬汁，雜沙律菜🥗，圓茄
第一個驚喜嘅菜式，一口咬落去就會有疑問係咪素食來咖，入口質感係好有食緊真蟹肉嘅感覺，而且味道同平時食炸蟹餅嘅感覺好接近，問翻大廚先知道佢用做好多菇同豆腐來創造呢個口感，再搭埋芒果粒嘅沙律一齊食，酸酸甜甜既清新開胃又新鮮驚喜
🍽<豆腐英雄漢堡>
*/吉列豆腐扒，意式香草軟包，紫椰菜，黑松露，蕃茄，生菜🥬，芝士，雞腿菇，洋蔥🧅
大廚介紹呢個係鎮店招牌菜，第一口咬落去係以為自己食緊吉列魚扒，大廚介紹翻係餐廳用豆腐，黑松露，雞腿菇，芝士等等嘅材料每日自己仿效真肉漢堡扒做法差打出來，務求做到接近真肉嘅口感，而且好細心咁照顧一眾女仔嘅食量用一塊軟包墊底，抵讚👍🏻
🍽<鬼馬肉醬意粉🍝>
*/素牛肉，洋蔥，蕃茄，蒔蘿，百里香，芝士，迷迭香，新豬肉
比較清新嘅肉醬意粉，配搭好多嘅蕃茄仔同香料，食落係無罪惡感嘅肉醬意粉，大廚用新豬肉、素牛肉等新式嘅素材來代替平時嘅免治肉，完全係用素菜取代真肉，各位女仔可以食得好放心，完全唔Heavy🤩
🍹<士多啤梨荔枝茶/跟餐送$0>
綠茶做底，有士多啤梨🍓同荔枝Mix埋嘅香味，好特別，仲要係無糖嘅，好健康嘅餐茶
🍹<荔枝青檸梳打/跟餐價$24>
好好飲，青檸嘅酸同荔枝嘅香甜混合一齊好夾同埋好開胃
大廚出曬餐嘅時候，會出來同我地介紹翻每款菜式同埋佢製作心得，經佢介紹體驗到原來素菜都可以好特別，成個餐飲體驗好得意，好有新鮮感，好值得推薦大家去試一試
