叉燒大王

Open Now

Now Closed

今晚經過沙田，一向鍾意食叉燒既阿仔，見到叉燒大王， 即刻話要去食。入到去先知，原來呢間餐廳好出名，連TVB同好多傳媒都有採訪過。佢嘅叉燒重榮獲左第五屆「食神」全城食家美食推介大獎。我哋梗係要叫叉燒來試食一下喇！這隻蜜汁叉燒王真係唔係浪得虛名，叉燒肉質鬆化，肥瘦適中，仲要係厚切，真係好好味。然後我哋試咗佢嘅燉湯，今次係茶樹菇燉唐牌，個湯有好多料，茶樹菇很香，湯很清甜。蜜薯牛仔粒，牛仔粒好冧，薯仔好甜，有濃濃既蜜糖味。粉絲蒜蓉蒸貴妃蚌，很新鮮，很大隻，貴妃蚌上面鋪滿粉絲和蒜蓉，超好味而且仲係＄78嘅價錢有四隻，實在非常超值抵食。鬆脆豬頸肉，用炸粉包住豬頸肉，炸完之後再點沙律醬吃，這個食法都幾特別。想食一餐好味的家常便飯，這間餐廳是一個很不錯的選擇。