一盅點心

Open Now

Now Closed

一直都好想嚟挑戰呢個燒賣拼盤，一共12粒，12粒都唔同味道唔同嘅餡料。絕對係拎嚟打卡嘅地方，暫時我諗全香港都冇其他地方可以食到咁多款燒賣。其實我特別欣賞佢一啲辣味嘅燒賣我諗應該係泡椒味，雖然我平時唔係食得好辣但係我覺得有少少辣味令到燒賣冇咁平凡。額外都有叫到佢嘅蒜蓉鮮蝦春捲、煎釀虎皮椒、春風得意腸、xo醬菜苗餃同埋鮑魚雞粒粥。其他嘅點心其實都做得好出色不過真係畀佢嘅燒賣拼盤完全遮蓋咗光芒，額外其實仲有啲飯湯嘅套餐都幾抵食。