望月軒

Open Now

Now Closed

朋友仔係養生人士，喜歡食中菜，上網搵間正野陪佢食下，搵到呢間望月軒，啲小菜望落唔錯，今年做到10周年，實力有返咁上下喎！上到黎，嘩，係可以望到全海景，食海景都值回票價。川粵孖寶，呢個套餐抵食可以揀兩個主菜。藤椒魚，個藤椒味好突出，啲魚肉滑滑，仲有粉絲芽菜。老字號樟茶鴨，鴨肉用樟樹葉和花茶燻鴨，外皮紅潤光澤，食落酥脆，鴨肉有煙燻香味。四川宮保雞丁，雞丁夠辣夠入味，洋蔥爽口。火腿高湯浸津白，津白放湯好索湯，成個菜好清甜，仲有杞子、火腿去提鮮。蒜香帶子粒翠炒飯，炒得夠鑊氣，好有飯香，配料好豐富，每啖飯都好香口。