金鷺湖

Open Now

Now Closed

趁著放假，諗住食好啲，同男朋友一齊黎食個lunch 😍book 左下午兩點半，可能今日平日，所以都冇乜人，所以都坐到窗邊位置。餐廳環境真係靚，樓底高，空間感大，座位非常闊落😘望著靚景嘆杯茶絕對可以坐一個下午～食物方面，雖然價錢係比較貴，但黎得呢到都係食個景架喇😂至少味道唔差，應該好過隔離間西餐😛兩個人食，叫左6樣野，5個點心加一個甜品。鮑魚千層酥同流心鵪鶉蛋燒賣，我同男朋友一致認為係最好食😋啤梨咸水角味道正常，打卡影相幾得意。竹炭叉燒包同脆炸松露海皇卷都唔錯。 甜品係薑汁桃膠燉鮮奶，女士養顏之選。最後，兩個人埋單食左500幾，好彩都夠飽😂