夢 (Closed)

好懷念日本，仲有滿有藝術感嘅懷石料理🥰原來香港都有得食🤩 萬分期待😚開幕式係～京都豆乳配上九洲粟米 🌽，粟米外層烤得香脆爽甜，下面有滑溜唔太甜嘅豆腐。 八寸～ 今次以秋季作裝飾，入面有楓葉🍁及富士山🗻，真係靚到唔捨得食架💕先食脆口嘅豆紙，入面包住清爽嘅白露荀。然後係最中餅枝豆蓉及日本墨魚夾心，跟住就係新鮮湯葉，即係豆皮，加日本白合及海苔，味道清新。 最後酥脆香口炸路芋配櫻花蝦。三款刺身 ～以池塘造型出場，艷壓全場✨分別有鯛魚、赤貝、鯖魚，新鮮清甜爽滑。鯖魚外層烤過，魚油味更香濃再嚟一粒晶凝通透嘅菜式～ 上面用醋做橙色嘅啫喱，下面有拆蟹肉及日本連芋，最好係一啖食哂，醋可以混合蟹肉，味道更豐富。炸物～ 香脆酥皮包香甜軟滑嘅栗子蓉，然後就有釀咗香甜南瓜蓉嘅意大利青瓜花，下面莖就鹹鹹地。 旁邊仲有日本白合、柚子蘿蔔及蓮藕漬物，可以解膩。最後有我最愛嘅～海膽創作料理上面有鮮艷奪目嘅食用花及名貴嘅白松露，配鮮甜甘香自家製海膽醬汁，仲有北海道馬糞海膽及三文魚籽，好味到不得了😋甜品亦都唔馬虎， 用士多啤梨🍓作泡沫，入面有Q彈啫喱及爽甜蜜瓜，為呢餐作一個完美嘅句號。