中午黎講, the one 商場的人流稀疏, 大部份的商店都在裝修階段, 只有四樓的食店係開始營業, 要在the one行街, 而家未係時候, 不過, 金寶店內的客人都唔少, 店舖的裝修很美, 坐位ok闊落
我地四個人叫佐一碟蝦丸(必食
), 一碟辣鳳爪, 一碟泰式通菜, 半隻海南雞同一煲青咖哩海鮮鍋食, 蝦丸, 鳳爪, 通菜都在九龍城食開, 分店的水準一樣幾好, 特別係蝦丸, 一咬之下, 蝦膏流到個碗紅卜卜, 好過癮
海南雞好滑, 雞味豐富, 半隻賣八十蚊, 在尖沙咀黎講可以話係好抵食, 因為仲唔收加一的關係, 唔計味道已經比其他店優勝
特別的新菜式係青咖哩海鮮鍋, 我地都係抱住一試的心態去食, 因為之前未試過, 其實原來係一煲大煲的青咖哩汁煮滾之後, 再將蝦, 軟殼蟹, 由魚特海鮮放入青咖哩, 海鮮索哂青咖哩汁之後再入口, 感覺幾特別, 另外仲跟一條豬仔包送咖哩汁, 份量很足夠, 味道又好, 雖然賣到八十八蚊一煲, 但隻軟殼蟹都幾大隻, 所以感覺好抵食
尖沙咀店比九龍城店的食物品種少一點, 但一樣有冬蔭功等泰式名菜, 食物的水準高, 價錢實惠, 我都會再黎食的
