【壽喜燒】覺得食牛配壽喜燒就一定最甜最惹味，而材料豆腐和大葱是不可缺少。一人份量嘅鍋，仲有醬汁喺隔離，可以自在添加，如果太鹹又可以叫店員加清水。
【飛鳥牛乳湯】店員重點推介，朋友就試一試，平時很少吃牛乳湯底，感覺特別，好濃厚牛奶味道同豚肉又幾夾，而且比較清，淥蔬菜吃一流。
【霜降美國SRF和牛】脂肪不會過多，但是入口軟熟，牛肉味亦都比普通和牛濃郁，不太油膩。
【霜降美國牛小排】肉質比較結實，雪花比例適中，和壽喜燒湯底最夾。
【熊本白豚】豚肉比較厚切，和牛乳湯底最夾，而且豚肉味道不臊，易入口。
飲品有大量的選擇，【自家製洛神花山楂甘草茶】最值得推介，酸酸甜甜又解渴，感覺又清涼。
蔬菜和甜品都冇得彈，又衛生又新鮮，甜品仲有我最愛的movenpick!
最後一定要讚店員超級有禮貌又勤力，絕對額外加分！
