The Point - Pizza & Pasta (青衣城) (Closed)

今日訂了The Point 想試下龍蝦二人餐先，見到Menu好吸引。都包了好多野食, 有個好大碗的龍蝦湯, 龍蝦味濃郁, 相信用了龍蝦同蝦殼餚製而成, 口感較稠身, 材料都有蝦肉, 另一道是前菜, 係一杯好精緻的大蝦沙律杯, 賣相好賞心悅目,除了爽口的大蝦肉, 下面係清甜的芒果肉，仲有健康的牛油果粒，好醒胃呀,再來主菜, 一大盤海鮮龍蝦扁意粉, 好震撼呀! 一大隻龍蝦開邊, 肉質好彈牙, 最欣賞係個醬汁, 浸滿了扁意粉, 還有大隻厚肉的青口和飽滿的蜆肉, 好鮮甜。 再來一杯清新的青蘋果梳打, 清一清味蕾, 好完滿呀。臨走見到有另一套餐，更抵食，下次都想試下。