1
Hiring
Apply
$14,000-$18,500
Monthly
93
8
8
Exit F, Tsing Yi MTR Station, Exit G, Tsing Yi MTR Station, Exit A2, Tsing Yi MTR Station continue reading
All Branches (7)
Telephone
21806162
Introduction
The Point combines quality ingredients in inventive ways to serve up innovative pizzas and pastas. Signature made-to-order pizzas using finest Italian "00" flour, and proof for over 24 hours. continue reading
Opening Hours
Today
12:00 - 22:00
Mon - Sun
12:00 - 22:00
Payment Methods
Visa Master AlipayHK Alipay Cash AE OpenRice Pay
Number of Seats
100
Other Info
Online Reservation
Alcoholic Drinks
Cake-cutting
Parking
Phone Reservation
Reward Dining Points
10% Service Charge
Spot payment
About Reward Scheme
Review (116)
Level4 2021-07-04
515 views
今晚同朋友再黎食the point...一直都好鍾意食呢間餐廳,同埋常常都有龍蝦menu,今次同朋友食返個普通二人餐先,龍蝦menu都好吸引,下次再試。講一講個二人menu..其實都幾夠食了,可以揀兩款前菜先,main dishes又可以揀兩個,而且入面仲有d upgarde item可以揀,可以因應返自己口味同budget去決定叫咩食。我同朋友點了一個龍蝦湯,一個就係烤大啡菇,咁樣我地就可以開心share,兩款都試曬了。先講一講個龍蝦湯,呢間餐廳一向既龍蝦menu都好吸引好好味,今次呢個龍蝦湯都係超好味超濃,勁濃既龍蝦味,入面仲有好多餡架,龍蝦粒粒都唔少架,啖啖湯都會有海鮮,好好味好滿足。另外一款芝士焗釀大啡菇配香草蕃茄汁,個賣相都夠曬吸引啦,上面好多芝士溶,切開大啡菇又好juicy,好香菇味,而且個蕃茄汁都好出位,酸酸甜甜十分開胃,好正呀。一個啡菇都可以有咁多唔同口感同層次。另外主食方面,點了煙三文魚蘆筍忌廉汁天使麵,上面鋪了煙三文魚,啖啖肉。煙三文魚帶點點咸咸香香,好惹味。忌廉汁又 creamy,令天使麵都變得杰身同濃味。每一啖都好好味好正。呢個天使麵最好趁熱食,因為擺耐左忌廉汁會更杰身,個汁醬會較黏,趁熱食最為惹味而且口感都會最好。另外一款是bbq chicken pizza....pizza皮薄又脆卜卜,上面鋪了好多餡,如烤雞、野菌、洋蔥等等,又好味又滿足。好正另外我地仲散叫多了一個焗通粉,因為呢度既野食太正,令人有種食不停既感覺。呢款芥末烤雞薯蓉芝士焗通粉都充滿驚喜。通粉面焗成金黃色,賣相好吸引。芝士又多,好好味,芝士完全融入了通粉當中,十分惹味同芝味。個底層仲鋪了香滑薯蓉,又好味又幼滑,仲夠曬飽肚。 continue reading
(The above review is the personal opinion of a user which does not represent OpenRice's point of view.)
來到星期五,當然要來一個Happy Friday Lunch 放鬆一下。朋友吃過the point 覺得pizza 及小食都不錯,一於嚟試吓。先來兩杯飲品Mojito lychee $68 Rum , soda ,mint leave , mint leaves 配合荔枝味,好有夏天的感覺,很解渴。Strawberry ice cream float$48 Strawberry purée ,vanilla ice cream, soda很適合打卡,外表好美,杯底有士多啤梨果蓉,很足料。Truffle fries $78 黑松露芝士蛋黃醬薯條對於兩個薯條控,當然絕對不會放過熱辣辣的薯條,賣相很好,薯條都係新鮮炸的,還有拉絲芝士。棒棒雞翼配蜜糖燒烤醬$88Chicken lollipopsWings with honey barbecue sauce棒棒雞很驚喜,外脆雞肉很多汁嫩滑,點燒烤汁很開胃。Carbonara 9” $130 卡邦拿拉Pizza九吋pizza剛剛好,芝士份量好多,中間還有流心雞蛋,薄餅邊好香脆。 continue reading
(The above review is the personal opinion of a user which does not represent OpenRice's point of view.)
Level4 2021-04-29
1074 views
不經不覺已經有差不多十個月無外出用膳,喜見疫情終於有好轉,急不及待約埋朋友去食晚餐,朋友想食西餐,我又想食海鮮,所以朋友提議去The Point食龍蝦西餐,咁就可以同時滿足大家的口腹。店內環境設計舒適,座位與座位之間距離充足,在疫情下非常放心。 餐廳有套餐或單點選擇,我們早早就決定食龍蝦套餐,所以無再考究其他餐牌。 龍蝦湯龍蝦湯內配有爽口彈牙兼且啖啖的龍蝦肉,龍蝦湯熱辣辣、香濃幼滑,滲著香濃的龍蝦味。 龍蝦紅菜頭沙律沙律相當豐富,除了影相影到面層大大舊爽口彈牙的龍蝦肉外,在沙律菜內也有粒粒的龍蝦肉增加口感,配以清新鮮甜的紅菜頭,及爽脆新鮮的沙律菜、加入帶微酸的沙律醋,令這個沙律既豐盛又開胃。 原隻火焰焗釀龍蝦披薩披薩可以加冧酒變成火焰龍蝦披薩,但朋友不喝酒,所以我們就請待應不用加冧酒變成火焰。龍蝦頭內釀入芝士磨菇等配料,令龍蝦頭變得啖啖肉而更香濃美味。龍蝦身也加入香滑的芝士,配埋龍蝦肉一起食,味道非常夾。披薩餅底外脆內軟,餅底麥味香濃。 龍蝦芝士焗通粉主菜選擇了不用加錢的龍蝦芝士焗通粉,唔好睇佢平平無奇,通粉好爽滑,配上拉絲的芝士及香濃的龍蝦湯一起焗,每粒通粉均能掛上鮮甜香濃的龍蝦汁味道,非常推介。 朱古力布朗尼配烤香蕉、合桃、雲呢拿雪糕食過正餐後其實已經好飽,但女仔總有第二個胃食甜品,所以我們加了$38要了一客朱古力布朗尼配烤香蕉、合桃、雲呢拿雪糕。布朗尼朱古力味香濃得來不會苦,香蕉烤到熱辣辣令香蕉更加甜,雲呢拿雪糕香薯味香濃,一啖有齊熱辣辣的布朗尼及凍冰冰的雪糕,真令人享受。 芒果香茅冰茶另外我還以半價加了一杯芒果香茅冰茶,入面有鮮甜的芒果肉及原條香茅,有淡淡的芒果及香茅味,果味與冰茶味好配合,不太甜,好清新。是日談天說地,時間過得太快,期待疫情完結,可以經常會友。 continue reading
(The above review is the personal opinion of a user which does not represent OpenRice's point of view.)
The point -Pizza&Pasta近嚟出啲龍蝦套餐,放工就同朋友去試下😜餐廳裝修以卡位為主,坐得舒服,最岩朋友聚會😄Lobster Set🦞🦞🦞龍蝦二人套餐$428 價錢抵食,套餐已包龍蝦湯兩客、 龍蝦紅菜頭沙律、Pizza 選原隻火焰焗釀龍蝦 比薩、 龍蝦芝士焗通粉😜落單好快就上菜~🦞龍蝦湯龍蝦湯質感濃稠,鮮味濃郁,口感非常滑而且入面有粒粒龍蝦肉,絕對足料🦞龍蝦紅菜頭沙律睇樣子就好吸引,擺盤非常精緻!沙律以紅菜頭、龍蝦肉,蔬菜等為主,龍蝦肉彈牙而紅菜頭爽口,口感好夾😜雖然個人對紅菜頭冇乜好感,但作為沙律算係清新,味道帶酸甜,好開胃!🦞原隻火焰焗釀龍蝦上菜已經呃曬like😂店員會燒著隻龍蝦😜單係造型已經贏曬,真係好岩打卡用📸pizza好足料有龍蝦肉、水牛芝士、車厘茄等口感豐富,而且pizza芝士極多可以做出拉絲,芝味濃郁,唯一就係餅底偏硬🦞龍蝦芝士焗通粉每粒通粉都充滿龍蝦汁同芝士~非常入味食落絕不油膩,最完美係上面嘅龍蝦肉廚師已處理好,一咬就食得!最岩我呢啲懶人食完套餐,當然要叫返甜品食😆🦞朱古力布朗尼作為布朗尼fans當然要點啦~布朗尼帶微熱,上面嘅雪糕半溶化食落外凍內熱,口感層次豐富😜非常推薦!🦞藍莓芝士蛋糕芝士蛋糕輕盈迷你,上層藍莓酸甜酸甜,下層芝士味香濃,質地軟綿順滑,作為晚餐結尾真係非常完美 continue reading
(The above review is the personal opinion of a user which does not represent OpenRice's point of view.)
週末約咗朋友喺青衣城食晏,佢揀咗呢間餐廳,話呢度有好吸引嘅二人龍蝦餐🦞,想同我一齊試吓😆叫咗$428嘅 Lobster Set 🦞 For Two, Starter有「龍蝦湯🦞(兩客)」同「龍蝦🦞紅菜頭沙律」、Pizza 係「原隻火焰焗釀龍蝦🦞比薩」、主菜我哋揀咗「龍蝦🦞芝士焗通粉」,再加$38要咗甜品「朱古力布朗尼配烤香蕉、合桃、雲呢拿雪糕」😋。叫呢個「二人龍蝦🦞餐」,飲品就會半價,我要咗原價$68嘅Grapefruit Mojito, 裏邊有 Rum, Fruit Juice, Mint Leaves, Soda;朋友要咗都係原價$68嘅 Strawberry Bellini,係用咗 Prosecco, Strawberry Purée, Lemon Juice 嚟炮製😋「龍蝦湯」有香濃龍蝦味,好滑、好飲😋。「龍蝦紅菜頭沙律」有兩件鮮味嘅龍蝦肉,沙律菜就好新鮮兼顏色鮮艷,加咗切幼絲嘅檸檬皮,有清新香味,少少嘅神來之筆😋。「焗釀龍蝦比薩」賣相靚靚🥰,龍蝦殼裏邊釀咗芝士同蝦仁🍤,幾特別;比薩有龍蝦肉,食落好香口😋。「龍蝦芝士焗通粉」上邊嘅芝士焗到微焦,有濃郁芝士🧀香味,配大粒通粉好惹味😋。「朱古力布朗尼」唔係好甜幾好食😋呢個二人龍蝦🦞套餐美味又抵食,朋友同我都食得相當滿足😋 continue reading
(The above review is the personal opinion of a user which does not represent OpenRice's point of view.)