Video
Read full review
2019-02-22
39 views
約左朋友係銅記行街街，朋友去完越南番黎冇幾耐話好想食越南野，咁就上網搵越南餐廳，點知附近L Square一樓有越南野食。價錢合理，唔算太離地。一出𨋢成間舖面見曬，唔算大但勝在無大咁嘈，坐得好舒服，同朋友傾計一流而且店員都好有禮貌。因為早早18:30左右去到，基本上唔洗等就有位，真係好好彩。除左有越式食物外，值得一提係都有幾多素食既選項，可以滿足到素食者既需要而且仲有中英對照既菜單都幾唔錯!特式牛湯粉 (HKD 108): (Rare Steak, Brisket ,Beef Ball, Tendon, Flank & Tripe)牛河分咗4個size，XXL睇落好驚人，餐牌會提供埋份量參考，咁就唔怕嗌太大份，浪費食物啦!牛湯河係L SIZE, 基本上2個人先可以食得曬，湯底好清甜，一啲都唔油膩，好怕會好多牛脂係湯面。而配料有生牛肉片、牛坑腩片、牛筋片、手打牛丸、牛腩邊、牛柏葉真係有好多，每款都至少有3件，好似食極都仲有，非常抵食！仲可以簡係河粉/金邊粉，因為都幾鐘意食泰國野就決定叫金邊粉啦!特上小食拼盤 (HKD 168)媽呀，好豐富呀，個拼盤有齊牛油雞翼、手打炸蝦餅、素春卷、炸扎肉、
因為早早18:30左右去到，基本上唔洗等就有位，真係好好彩。
除左有越式食物外，值得一提係都有幾多素食既選項，可以滿足到素食者既需要
而且仲有中英對照既菜單都幾唔錯!
特式牛湯粉 (HKD 108): (Rare Steak, Brisket ,Beef Ball, Tendon, Flank & Tripe)
牛河分咗4個size，XXL睇落好驚人，餐牌會提供埋份量參考，咁就唔怕嗌太大份，浪費食物啦!
牛湯河係L SIZE, 基本上2個人先可以食得曬，湯底好清甜，一啲都唔油膩，好怕會好多牛脂係湯面。
而配料有生牛肉片、牛坑腩片、牛筋片、手打牛丸、牛腩邊、牛柏葉
真係有好多，每款都至少有3件，好似食極都仲有，非常抵食！仲可以簡係河粉/金邊粉，因為都幾鐘意食泰國野就決定叫金邊粉啦!
特上小食拼盤 (HKD 168)
媽呀，好豐富呀，個拼盤有齊牛油雞翼、手打炸蝦餅、素春卷、炸扎肉、炸軟殼蟹、扎肉串
可以一次過滿足哂。基本上每樣都咁好食同表現平均，炸物炸得夠酥脆，細心位係有沾甜酸醬同埋千島醬兩種可以配黎食，咁就唔會好膩。
特別推介炸軟殼蟹，食得出係脫左衣既松殼蟹，好香既蟹味，而且仲有點點炸過既蟹膏。
香茅豬扒撈檬 HKD 69
一上碟就聞到好香既豬扒味，流曬口水加埋魚露，酸酸甜甜既汁，好開胃呀!
LIME SODA (HKD 28)
牛油果奶昔 HKD 48
口感稠滑，牛油果味濃與牛奶既配合，相得益彰! 值得一飲!
Post
