位於佐敦逸東酒店的The Astor 普慶餐廳自助餐，之前見過有做75折，而家到3月31日每兩位客人，第二位半價。
相信疫市期間😷都繼續會推出優惠🤑
每位客人入坐前都要量度體溫，服務態度Very Good，侍應有禮貌、食物多元化。
食物分了5個區域（中、日、印度、凍海鮮、甜品）另一邊應該仲有一個區域但無開。
1
拎凍海鮮時會俾一碗碎冰墊底，開生蠔時會一邊沖水一邊開，龍蝦、凍蝦🦐青口、麵包蟹🦀
長腳蟹有保鮮紙封好，其他熟食大部分都有蓋封好，感覺好衛生👍
拎完生蠔返位的時候，有職員過黎溫馨提示生蠔要食先，好細心的服務👍
1
食到中途會有三次驚喜，職員會叫你出去排隊拎，我地當晚有（片皮鴨、燒龍蝦、火焰雪糕）
3
屬於香港人的酒店自助餐一定要支持👍
當晚係星期日目測都有八成入座率，應該全部都係香港人🇭🇰
我見最後埋單時會有一位職員有禮貌地問覺得如何、食物質素如何？
應該隨機問，因為無問我地😂
