Video
Read full review
2020-04-04
143 views
2020年4月2日 星期四“和情人深深一吻 來代替講話 好嗎這訊號以無聲仿有聲 領略時未需解碼”呢排真係好壓抑，除咗係因為疫情嘅關係令到工作上有好大變化之外，成日留喺屋企都令到個人好唔開心，就連女朋友都見少咗，就算見到都要戴住口罩，咁嘅生活都唔知幾時先完。所以今日就決定同女朋友出去旺角食放題，難得輕鬆一下，可以瘋狂咁食由門口行入去已經見到有熟食，係炸餃子同炸魚柳，用光燈照住，就可以保持熱度，之後我拎左一舊炸魚柳食，食落去都仲係鬆化嘅再行入去已經係飲品櫃同甜品櫃，飲品方面除咗韓式飲品之外，仲有唔同種類嘅茶，非常適合放題時飲，可以消滯。至於甜品都有好多款，甚至連生果同豆腐花都有，真係應有盡有，仲話無限添加添再行過少少竟然見到有自助梅酒機，而且仲可以任飲清酒，真係冇乜邊間放題嘅店舖見過，不過本人酒量淺，所以最後冇拎到黎嘗試坐低左之後再望吓餐牌，發現有好多食物可以選擇，就連壽司都有幾張唔同嘅餐牌，咁我哋當然每樣都試少少先啦送出咗餐單之後等左大約10幾分鐘，就開始有食物陸續送到，先黎既係刺身拼盤，見到所有刺身都好新鮮，特別係大赤蝦，彈牙得黎又夠大隻，赤貝都好爽口之後就有唔同款嘅火炙壽司，其中最欣
“和情人深深一吻 來代替講話 好嗎
這訊號以無聲仿有聲 領略時未需解碼”
呢排真係好壓抑，除咗係因為疫情嘅關係令到工作上有好大變化之外，成日留喺屋企都令到個人好唔開心，就連女朋友都見少咗，就算見到都要戴住口罩，咁嘅生活都唔知幾時先完。所以今日就決定同女朋友出去旺角食放題，難得輕鬆一下，可以瘋狂咁食
由門口行入去已經見到有熟食，係炸餃子同炸魚柳，用光燈照住，就可以保持熱度，之後我拎左一舊炸魚柳食，食落去都仲係鬆化嘅
再行入去已經係飲品櫃同甜品櫃，飲品方面除咗韓式飲品之外，仲有唔同種類嘅茶，非常適合放題時飲，可以消滯。至於甜品都有好多款，甚至連生果同豆腐花都有，真係應有盡有，仲話無限添加添
再行過少少竟然見到有自助梅酒機，而且仲可以任飲清酒，真係冇乜邊間放題嘅店舖見過，不過本人酒量淺，所以最後冇拎到黎嘗試
坐低左之後再望吓餐牌，發現有好多食物可以選擇，就連壽司都有幾張唔同嘅餐牌，咁我哋當然每樣都試少少先啦
送出咗餐單之後等左大約10幾分鐘，就開始有食物陸續送到，先黎既係刺身拼盤，見到所有刺身都好新鮮，特別係大赤蝦，彈牙得黎又夠大隻，赤貝都好爽口
之後就有唔同款嘅火炙壽司，其中最欣賞嘅係火炙玉子，燒得香之餘，雞蛋味都好濃郁。至於火炙和牛真係入口即融，上面嘅芝士同牛肉都幾配合
另外要特別推介嘅係芝麻雞翼同炸忌廉蟹餅，兩款都炸得好香脆，而且食落去唔算太多油，雞翼裏面嘅雞肉仲係好嫩滑
最後仲有忌廉燒蠔，蠔肉都幾大隻而且唔腥，調味得啱啱好，我一個人都食咗四五隻
係呢啲時期能夠同女朋友一齊食飯嘅機會真係好難得，深深體驗到身體健康嘅重要性
Post
