滿屋日本料理 (Closed)

前2日同幾個朋友來左銅鑼灣滿屋食日本放題，我地係比距清酒所吸引過來食，食好多日本放題，但好少見連清酒，梅酒有有提供任飲，清酒仲有暖和凍選擇，梅酒就係凍噶，2個都非常易入口，個人比較喜歡梅酒，我地4個人飲左6-7壺。之後必食一定係刺身：三文魚，帶子，甜蝦，大蝦，泰國刺身蝦都有、各種熱門刺身都有提供，而且非常新鮮，上單速度好快，完全無漏單情況出現過。壽司方面好多熱門都有，我地就點左：和牛、三文魚腩、左口魚、蟹子等壽司，距地壽司勝在飯夠小😂天婦羅：蝦，南瓜，小紫薯，蟹棒等，我非常喜歡哩度天婦羅，距粉薄薄一層而且非常脆。燒烤物都非常多選擇，但我地只選擇左牛舌跟蝦，雞軟骨炸物：榴蓮波波（喜歡榴蓮一定要試）年糕等等，外脆內軟，勁好食飲品方面都非常多選擇，還有特飲選擇。哩度除左落單點野食，外面仲有一個自助區，都🈶️好多野食，湯，沙拉等等總括：品種非常多，質素高，速度快，而且無漏單，值得一讚服務員態度不錯。