Video
Read full review
2018-04-09
1570 views
本來約好食附近一間幾出名既泰國菜，但一行幾人冇book位，到場後發現滿座惟有轉埸。 閒逛至呢條小店林立既街道，朋友睇中有米芝蓮美譽既burger，咁就試試。一眼望menu肯定係雞肉漢堡「雞」不可失最吸引，咁多款入面零零舍舍係得佢舊肉睇落有成個手指公咁厚，再幻想埋炸雞既香脆，我同朋友都迫不及待叫左呢款。「雞」不可失 ($140) +$10配薯條、汽水首先只係大過手掌少少既burger尺寸已經令人失望，炸雞更與圖片不符，只係普通雞扒大細。 咬落去雞肉雖然嫩滑，但完全食唔到簡介所言「蘸上白脫牛奶重複炸脆的雞肉」，連基本香脆既炸漿都欠奉，只係一塊浸透醬汁既雞肉。 醬汁辣辣地冇咩特別，配上生菜都算新鮮爽脆，但可能未篩乾水，食個時不斷滴水，亦溝淡左醬汁。 食到尾先醒起入面話有藍芝士，理應濃烈既芝士香幾不可聞。除左份量同味道不如預期，久候多時以為係即製既burger亦唔太熱，味道再次大打折扣。 薯條算係比較滿意，夠熱夠酥脆，但見廚房都係炸定放係盤，上菜時夾少少落去，唔好彩既可能都唔太熱。亞哈船長漢堡 ($130)炸盲曹魚意外地大塊足料，肉質嫩滑新鮮，食到魚肉既紋理，性價比幾高。全店採開放式設計，除左
一眼望menu肯定係雞肉漢堡「雞」不可失最吸引，咁多款入面零零舍舍係得佢舊肉睇落有成個手指公咁厚，再幻想埋炸雞既香脆，我同朋友都迫不及待叫左呢款。
「雞」不可失
$140
89 views
0 likes
0 comments
「雞」不可失 ($140) +$10配薯條、汽水
首先只係大過手掌少少既burger尺寸已經令人失望，炸雞更與圖片不符，只係普通雞扒大細。 咬落去雞肉雖然嫩滑，但完全食唔到簡介所言「蘸上白脫牛奶重複炸脆的雞肉」，連基本香脆既炸漿都欠奉，只係一塊浸透醬汁既雞肉。 醬汁辣辣地冇咩特別，配上生菜都算新鮮爽脆，但可能未篩乾水，食個時不斷滴水，亦溝淡左醬汁。 食到尾先醒起入面話有藍芝士，理應濃烈既芝士香幾不可聞。
「雞」不可失
$130
73 views
0 likes
0 comments
除左份量同味道不如預期，久候多時以為係即製既burger亦唔太熱，味道再次大打折扣。 薯條算係比較滿意，夠熱夠酥脆，但見廚房都係炸定放係盤，上菜時夾少少落去，唔好彩既可能都唔太熱。
亞哈船長漢堡
$130
68 views
0 likes
0 comments
亞哈船長漢堡 ($130)
炸盲曹魚意外地大塊足料，肉質嫩滑新鮮，食到魚肉既紋理，性價比幾高。
全店採開放式設計，除左近廚房既細台外，大部分座位都開揚地打開窗或拉開簾直面街景。
今次坐左係店外吧台位置，有少少懷疑係僭建，因為可以話係坐左係店鋪旁邊既後巷內，同店內望街景既客人打對面咁坐，中間冇遮冇掩，傾計都唔太方便。
以呢個價錢配呢個環境，真係有大把好食好多既餐廳選擇，所謂米芝蓮原來咁唔入流，失望至極。
Post
