Wingman (Closed)

晚上想放鬆一下，於是去朋友推介既雞翼放題餐廳Me Time一下。餐廳環境比較燈光暗，可以更放鬆同埋有情調。可以散叫或者揀放題。我揀左19隻口味 All (19) Flavours， 可以free flow 指定小食同指定飲品。第一輪放題，我叫左三種口味：新加坡辣蟹味（右），自家製鹹蛋黃（左下），四川甜辣醬（左上）。個人好喜歡自家製鹹蛋黃味，外層鹹蛋黃既滋味，令雞翼有種異國風味，質感外脆內嫩。四川甜辣醬就由外至內既辣味，味覺新挑戰。而新加坡香辣蟹就幾惹味。食雞翼當然唔少得飲啤酒啦！小食叫左個松露芝士通心粉食，啖啖通心粉都有松露芝士包圍住，都幾好食。第二輪叫左四款雞翼：日本吉列咖喱味（左上）、日本蜂蜜芥辣（右上）、巴馬臣芝士蒜蓉味（右下）、咖啡香味（左下）。日本吉列咖喱味，唔辣但咖喱味濃郁。日本蜂蜜芥辣味，清香微甜，芥辣醬唔算太辣，岩唔食得辣既我。巴馬臣芝士蒜蓉味，芝士滿滿，好惹味。咖啡香味，啖啖濃expresso，提神之選。食到呢輪都飽了。最後一輪就叫左個醉雞，呢道菜有驚喜。除咗正常發揮既酒味，食落慢慢個口會有少少食四川菜既微微麻辣味，刺激左味蕾。成為今餐雞翼放題完美既句點。