Wingman

呢間餐廳嘅雞翼都係來自法國無激素走地雞，食落雞味好重嘅，煮得嚟都好滑，雞肉都好嫩。

雞翼放題

雞翼放題

放題雞翼口味有10種，有辣有唔辣，亦都有汽水任飲，埋單都係$207/位，其實唔算太貴，雞翼控嘅朋友真係要挑戰下。

門口有個打卡位

門口仲有個「雞頭」打卡位可以俾食客打下卡。

咁多款口味，最推薦係「巴馬臣芝士蒜蓉」、「水牛城醬」、「蒙古燒烤」，呢三款係好好食。

巴馬臣芝士蒜蓉味

巴馬臣芝士蒜蓉：芝士粉灑面，食落好濃厚嘅芝士味。

水牛味

水牛城醬：辣味同香味俱全，唔算太辣，微微味嘅酸味，一般食到辣嘅人都可以接受到，仲好開胃。

蒙古燒烤味

蒙古燒烤：孜然粉係好惹味，有微辣，好有中式燒雞翼嘅風味。