Wingman (Closed)

呢度既雞翼整體嚟講都算得上好好，食得出係即叫即炸，咬落唔單止香脆，而且肉汁鎖得好實，咬個下會爆哂出嚟。而雞翼既肉質亦好好，加上唔同既味道都幾好味，仲有部分味道好特別，相信鍾意食雞翼既朋友絕對可以去試下。不過咁多種味就唔介紹哂，同大家介紹幾隻我覺得要重點推介既味道。 以任食嚟講，呢度既質素真係唔錯，唔同既配料都好足。呢個巴馬臣芝士蒜蓉雞翼既芝士同蒜蓉都好多，甚至多到洒哂出嚟，而且夾得好好，令雞翼既香味更加昇華。 咖啡味既雞翼真係第一次食，味道好特別。雞翼聞落好有咖啡既香味，食落亦有淡淡咖啡味，配埋雞翼既肉味，係意料之外既夾。 一直好鍾意食水牛城雞翼，而呢度既水牛城雞翼亦令我好滿意。本身都驚任食雞翼質素未必好，點知呢個水牛城雞翼都保持都水準。雞翼應該係啱啱炸起，好香脆，本身已經加哂分，而水牛城既醬汁亦唔簡單，唔會淨係得辣味，反而係辣得嚟有水牛城醬獨特既味，香辣惹味，唔單止開胃，仲好好味。