米走雞Live

Open Now

Now Closed

米走雞好耐之前就知道專食雞煲，但一直都未抽到時間過去試，今日專登約左朋友去觀塘行街順路試吓。餐廳位置非常方便，離地鐵站約5分鐘，餐廳間隔寬敞，唔會好迫，如果一班人聚會都唔會覺得侷促，餐廳位置仲有一個小型band位,不過可能疫情關係就唔開放。火麻辣雞煲（小辣）$198細上菜時先煮一陣，之後會有專人點火然後幫你將醬汁同雞混埋一齊爆炒，雞肉食落肉嫩多汁，即使食雞胸位置都唔會覺得「硬骨骨」，洋蔥炒過之後香甜，雞煲愈煮愈惹味！五香鮮牛肉 $98牛肉油脂分布平均，落落湯勺一陣就食得，鮮嫩，而且唔會有筋，$98價錢算非常抵食，大大碟，兩個人食好足夠。手打墨魚丸（半份）$48墨魚丸爽口彈牙，呢度仲可以揀要全份定半份，岩晒咩都想試又驚食唔晒既人。紅薯粉 $22食晒所有野之後唔少得煮一個紅薯粉，煮熟左既薯粉堅韌吸味，吸晒個湯既精華。