冬暖夏涼 濃雞湯車仔麵館 (Closed)

平時好少會由旺角行去大角咀, 今日幫朋友搬野, 去到中途想食下野,就喺呢間我未食過既冬暖夏涼車仔麵坐低食店可容納20 人, 枱櫈陳設以木制方枱圓櫈為主.白色既牆上面貼住佢地既推介食物. 因為熱熱地既關係, 所以首先我叫左杯清潤飲, 幾特別, 飲落去有蘆薈同蜜糖味, 又不會太甜都算幾潤喉.!另外, 點左一個凍小食, 係鹿兒島醬魷魚, 沙茶醬蜂巢豆腐同咪溫泉蛋, 魷魚既醬好特別, 好似沙律醬配以WASABI 一樣, 口感清新不算太辣, 沙茶醬亦都滲哂落蜂巢豆腐(有炸過)入面 , 呢個配塔亦幾有創意. 糖心蛋亦都不錯, 蛋漿既熟程度剛好最後, 點左一個車仔麵, 油麵爽口, 蘿白我11點幾食佢都整得夠林, 值得讚賞!, 去油大腸 有3成脂肪, 令到冇甘肥亦不失口感.!, 牛根入味, 雞翼少亦用鹽水醃過, 最好味係個湯底係用麻辣再加濃雞湯, 可點大中少辣, 呢個配塔食車仔麵我都係第一次試, 如果食得辣既朋友會覺得個湯幾好飲.下次經過都會再食.!