Video
Read full review
2017-03-17
223 views
我呢班老友不定期都聚一聚，每次都傾到唔捨得走，所以一定要搵個坐得耐嘅地方，我地咁多人相量過後今次想食辣雞煲，之後有人提議去九龍城，都好喎，唔好次次都去商場舖。是日係星期五，太耐無來九龍城，估唔到而家星期五晚嘅九龍城咁靜（可能係7點左右太早吧），街上嘅人唔多，有d舖頭仲只有小貓2，3隻……終於行到嚟"有口福"喇..............呢間係朋友事先搵及訂好位，雖然去到時大圓枱都未有人坐，但2邊嘅卡位都坐滿，入到舖頭就聞到好香嘅雞煲味，好想快d食呀！但未齊人只好叫個小食"紅油豬耳"($45)，等住食食住等，呢個豬耳好夠辣，但豬耳唔多爽，若果改咗呢點就very good喇。食下等下，一齊人就立即叫咗雞煲，4個人一隻雞應該好正常啫……雞煲可揀香辣/麻辣，勁/大/中/小辣或唔辣，因為食咗豬耳有點辣，所以只叫咗麻辣中辣啫, 怕太辣所以仲叫咗“天地壹号”蘋果醋飲($36/支)，上枱前佢地會將新鮮嘅配料（青瓜，葱，蒜……之類）加入雞煲，配料熟咗先上枱，大約要等10-15分鐘, 上枱一直有GAS爐熱住, 可能大家都好肚餓, 一上枱便起勢挾, 個味好香, 但其實唔算辣, d 雞入晒味, 唔會”鞋”,
是日係星期五，太耐無來九龍城，估唔到而家星期五晚嘅九龍城咁靜（可能係7點左右太早吧），街上嘅人唔多，有d舖頭仲只有小貓2，3隻……終於行到嚟"有口福"喇..............
呢間係朋友事先搵及訂好位，雖然去到時大圓枱都未有人坐，但2邊嘅卡位都坐滿，入到舖頭就聞到好香嘅雞煲味，好想快d食呀！但未齊人只好叫個小食"紅油豬耳"($45)，等住食食住等，呢個豬耳好夠辣，但豬耳唔多爽，若果改咗呢點就very good喇。
食下等下，一齊人就立即叫咗雞煲，4個人一隻雞應該好正常啫……雞煲可揀香辣/麻辣，勁/大/中/小辣或唔辣，因為食咗豬耳有點辣，所以只叫咗麻辣中辣啫, 怕太辣所以仲叫咗“天地壹号”蘋果醋飲($36/支)，
上枱前佢地會將新鮮嘅配料（青瓜，葱，蒜……之類）加入雞煲，配料熟咗先上枱，大約要等10-15分鐘, 上枱一直有GAS爐熱住, 可能大家都好肚餓, 一上枱便起勢挾, 個味好香, 但其實唔算辣, d 雞入晒味, 唔會”鞋”, 連d配料都好好味, 食都咁上下d汁少咗, 佢地會自動幫我地加湯, 但加咗湯之後我就覺得太咸了, 所以最好味都係第一浸, 要保持雞煲嘅原味就要把握時間喇.
食到剩番1/3, 我地叫咗幾樣嘢唻打邊爐,
紅薯粉($30), 呢個比我之前見過嘅粗身, 可能怕太幼會易斷掛… 咁又係真嘅, 點烚都唔爛, 及都幾易熟, 食得過.
脆肉鯇魚片($55), 大大片爽脆爽脆
鮮雞腎($60), 店主話下次要叫內臟嘅話最好叫雞煲時一齊落, 師傅可以喺廚房煮過會入味好多, 咁我地下次就是學精d喇. Finally, 都唔錯喎, 無講到唔多入味咁, 但要留意時間, 滾太耐雞腎會縮晒水, 時間就要自己把握好喇.
其實舖頭內有貼咗店主嘅進食先後建議, 大大隻字喺正我坐個位嘅後面,但我入到去一直都無發現, 到食飽先見到…. 哈哈哈….. 之後大家去食嘅時候再可以參考下喇.
魚皮餃($45), 呢個認真麻麻, 皮厚又無乜味, 或者食其他餃會好味好多.
店主仲推介”美極炒秋葵”, 講真我未食過秋葵, 就真係佢嘅一身潺嘅特質令我怕怕, 但今次食過後真係大大改觀, 好野味仲保持到脆脆地, 食到停唔到口添.
Post
