山旮旯 (Closed)

山旮旯位處灣仔銅鑼灣交界，名副其實都幾山旮旯，加上旁邊間酒店結咗業，如果唔熟地頭，要搵到店門口都幾考功夫。所以當店員同我講間店原本叫啡酒，後來才改名叫山旮旯，我就一啲都唔意外。下午茶時間，叫個宇治金時熱香餅配白桃冰茶，熱香餅有兩大塊，上面有坑紋，幾靚，味道屬正常水準，不過抹茶味好少，少到差啲食唔出。上面嘅紅豆就唔錯，好大粒好飽滿，蘸埋 maple syrup 一齊食，其實係唔錯嘅。至於杯白桃冰茶我叫咗小甜，絕對係明智之選，因為更能飲出茶香，消暑解渴。