串酒里 (Closed)

位佐敦呢間串燒店，係山林道見到個餐牌箭嘴轉入去就係餐廳，餐廳唔算好大，屬於小店經營，有啲居酒既feel，服務態度都幾好。同朋友隨便點左啲串燒，結果全部味道都幾，同埋全部都係熱辣辣咁上👍🏻，之前食過其他串燒店既食物都唔熱感覺好差。牛舌好大舊，係我鍾意果種爽口既口感。另外，醬燒黑豚肉，我見到咁大舊肉，以為會好乾曾曾，但佢唔會之餘仲幾嫩，但兩個人食有啲多。要推介仲有松葉蟹甲羅燒好好食，如果有啲多薯波就好，啲蟹膏好鮮。兩個人埋單都係$490，幾抵食，又夠飽。