Kampoeng

Open Now

Now Closed

印尼餐廳位於地庫, 喺一間印尼雜貨店中間有條樓梯行落去, 感覺好隱秘, 餐廳環境都幾大, 可以自由坐位。𓊈印尼醬燒魚 $𝟼𝟾𓊉燒魚燒得好香口, 外皮雖然比較深色, 但肉質好嫩滑, 唔會過熟, 側邊有個印尼甜醬可以蘸點, 甜甜地幾好食。𓊈沙嗲牛肉串 $𝟺𝟾𓊉串燒充滿炭香味, 牛肉嫩滑多汁, 沙嗲醬同平時食嘅有少少唔同, 用咗花生醬同印尼甜醬調配而成, 香濃惹味!𓊈巴東牛肉 $𝟻𝟾𓊉巴東牛肉燉煮得好軟腍, 帶有少少椰奶香味, 醬汁會有少少辛辣味, 好適合餸飯食。𓊈蝦醬炒通菜 $𝟼𝟾𓊉蝦醬炒通菜鹹香味十足, 通菜炒得好香脆。𓊈椰青 $𝟺𝟼𓊉椰青好大個, 味道鮮甜!𓊈白咖啡 $𝟸𝟺𓊉白咖啡味道較甜, 但好有風味。