關西牛肉燒配牛肝菌意大利飯
MVP 一定係 關西牛肉燒配牛肝菌意大利飯！牛肉薄切得嚟好 juicy，牛肝菌汁亦好香濃，每一啖都令人回味。呢道菜嘅味道層次豐富，牛肉同飯真係超級夾。
1
蒜香辣椒蜆肉意大利粉配軟殼蟹
至於 蒜香辣椒蜆肉意大利粉配軟殼蟹，味道發揮正常，唔會太辣，蜆肉同意粉都煮得啱啱好。軟殼蟹脆嘅，但個人覺得可以再脆少少。影相嚟講呢道菜打卡效果一流，特別適合擺上社交媒體分享。
焦糖脆脆鮮奶咖啡
飲品方面，嘅面頭焦糖脆脆加埋啲 cream 非常好味，帶有甜香嘅口感。不過咖啡味稍淡，但將所有材料撈埋一齊飲，整體感覺都幾好飲。
其他
餐廳環境走簡約風，四周設計簡潔，令人感覺舒適。餐廳嘅位置比較隱蔽，門口有少少「隱世」餐廳嘅感覺，但進去後內裡環境清幽，適合同朋友靜靜地傾偈。我哋七點到餐廳，當時職員提醒我哋餐廳已經 full booking，並且需要喺八點半之前交枱，雖然有時限，但職員態度友善，整體服務令人滿意。價錢方面屬於合理範圍，性價比唔錯。餐廳環境舒適，唔會覺得太擠迫或者嘈雜，適合再嚟試其他菜式。
2
1
