El Portal (Closed)

其實佐敦彌敦道有好多隱世嘅美食，今次發現咗呢間喺樓上新開張無耐嘅地中海菜式嘅餐廳。入口都比較隱蔽所以花咗啲時間先至搵到，上到去服務員都有介紹返唔同嘅菜式，佢哋嘅大廚都係西班牙人，都比較正宗同望到啲價錢都唔會太貴。我哋兩個人要咗個生蠔拼盤，有唔同產地嘅生蠔，每人有三隻，性價比高，生蠔成隻手掌咁大隻，有鮮甜嘅海水味，十分肥美。如果襯埋白酒真係一流享受，更能夠帶出豪嘅鮮味，但因為我哋都唔飲酒所以冇特別叫。另外點少得可以唔叫正宗嘅西班牙海鮮炒飯，份量適中兩個人share食啱啱好佢以鐵鑊上菜正宗嘅西班牙炒飯係偏濕的，上面有唔同嘅海鮮配料，有青口、八爪魚同蝦，慢慢食落都幾飽。之後我哋都要咗個西班牙燒八爪魚，都有半條八爪魚，有鮮味配埋底下嘅薯蓉一齊食，正！最後點可以唔叫個正宗甜品由於西班牙油炸鬼賣晒所以我哋要咗個焦糖脆餅，都比較特別，賣相吸引，如果鍾意食甜嘅朋友推介一試。