Video
3-min walk from Exit A, Jordan MTR Station
continue reading
Introduction
This shop is designed with grey colour and simple stylish style. It offers Mediterranean cuisine, oysters and some side dishes which are good to pair with alcoholic beverages. It is a nice place for couples dating and friends gathering.
continue reading
Opening Hours
Mon
Closed
Tue - Sun
15:00 - 23:00
Above information is for reference only. Please check details with the restaurant.
Recommended Dishes
早排朋友帶我去左德寶成商業中心二樓嘅一間地中海美食餐廳食飯聚舊🥰餐廳就係廟街牌坊嘅側邊，都幾容易搵。餐廳室內裝修簡單舒服，空間感十足，令人坐得悠閒自在🤤店內放有一個酒櫃，小型bar 枱，適合幾個朋友happy hour 聚會傾偈，飲番兩杯或者搞私人小形party😆芝士拼盤配烤麵包：有三款軟硬質感唔同嘅芝士併兩款菓醬及香醋同橄欖油，配上剛烤熱嘅麵包，散發麵包及芝士香味再沾上香醋嘅味道，外趣內軟非常好味 希獵餃子：新鮮整起嘅希獵餃子餡料係用左羊奶芝士同菠菜，餡料份量十足，味道好夾，無羊奶嘅羶味，餃子外皮脆脆哋，用來送洒🍷就最啱 香脆魚配阿拉比阿塔醬：魚塊切成剛好的尺寸，外面的脆漿唔會太厚剛好包住D魚塊，入面仲保留好多肉汁，配上個特色醬好味到食唔停呀！ 呢度環境舒服又唔嘈雜，食物有水準，下次再來！
continue reading
餐廳喺樓上鋪 環境好好靠近窗邊位置可以望到廟街黑椒鵝肝醬凍派配法式多士鵝肝醬睇落好似細杯 其實份量好多就咁食都唔會太鹹 配埋多士食就層次豐富啲加埋牛油亦都提升左個口感另外會有醋之類醬料可以選擇可以每啖都試吓唔同配搭 幾有趣個人推薦就咁鵝肝醬配多士 簡單 好食～墨魚汁意大利粉配大蝦份量好足 好多隻大蝦 亦都好新鮮墨魚麵有咬口 另外醬汁好濃厚每一啖面都充滿醬汁 香料亦都唔會太搶戲 幾適合香港人口味Share食會比較好 超級推薦檸檬梳打好fresh 新鮮檸檬配有氣水唔飲酒嘅話，幾好嘅選擇西班牙油條 好脆口 好好食 好似係外國食到嘅咁上面布滿咗糖粒 好邪惡下面係濃縮咖啡 就咁食同浸住咖啡又係兩個體驗 係一個幾特別嘅甜品 食物環境服務態度各方面都好理想
continue reading
今日同朋友行開佐敦，朋友話有一間西班牙餐廳幾好食。於是我地就上去試下， 鋪頭上嘅裝修都幾有情調,近住窗邊個位置可以直接望到廟街牌坊， 另外一邊就係餐廳嘅主廳以及係望到調酒師嘅地方。 但係唔知道係因為宣傳唔夠還是係新開張，餐廳嘅客人呢都唔算係好多。值得一提嘅係餐廳嘅服務非常殷勤， 絕對係一個好大嘅加分位。因為當日係朋友生日亦係朋友推介，因此呢我哋就嗌咗一個二人餐，試一試餐廳入面招牌菜式。沙律配雪利酒醃製西蕃茄、菠菜和曼切戈芝士刨花一般的西餐沙律，配以酸酸甜甜的小蕃茄， 加上比較濃稠嘅黑醋醬，幾開胃。芝士拼盤配香橙和果梅 搭配:烤麵包呢個餸有三樣嘢，包括係烤麵包，唔同種類嘅芝士同埋香橙醬。 烤麵包同埋一般食到嘅酸種麵包唔同，佢係屬於比較脆身嘅一種，食落好香口。 而香橙醬係坊間比較少食到的搭配 ，配麵包又或者品嚐芝士之間，清口腔係比較唔錯嘅選擇。最後，芝士見到有四款。 當中有好creamy嘅，亦都有硬身少少，越食越香嘅。但抱歉我對芝士冇乜研究，未能同大家講出有咩款式。烤八爪魚配法瓦豆泥全晚其中一個好有印象嘅餸， 烤八爪魚恰到好處又唔會韌，又唔會腥。 而豆泥亦都磨到非常之幼滑， 好有西班牙風味。香烤蝦配胡椒和特級榨橄欖油呢個餸菜就比較純粹， 蝦外殼經過煎炸非常的酥脆， 食嘅時候會建議連殼一齊放入口，再將殼吐出，會比較食到個風味。西班牙海鮮飯呢個係朋友其中一個推介嘅餸，正唔正宗我就唔識講，但係我覺得成個西班牙炒飯當中， 青口，蜆肉粒粒都好飽滿而且唔腥。 飯底味道香濃，唔係完全軟身嗰種，係好正宗嘅risotto口感，好煙韌。烤牛柳配松露醬烤南瓜因為當日朋友唔食得羊，因此要求廚房佢轉嘅。 牛柳都叫做煎得嫩滑， 但係唔算係做得好好嘅外脆內軟，應該要保留嘅肉汁都有保留到， 反而覺得伴碟嘅烤南瓜同埋烤薯仔非常之出色，質感好好。蘋果撻配太妃糖干酪上面嘅蘋果食落酸酸甜甜，個餅底係類似蛋糕嘅質感， 算係幾有特色嘅甜品嚟嘅。如果鍾意食蘋果批嘅朋友，就唔可以錯過。西班牙吉拿棒最後呢一個亦都係店員見我哋生日，叫廚房特登整畀我哋食嘅。 吉拿棒外脆內軟， 同坊間嘅甜品舖唔一樣，佢唔係配雪糕，而係配以一個比較甜嘅cappuccino汁， 令到成餐晚飯有美滿嘅昇華。總括而言，成餐物有所值， 一千蚊左右食到好多樣唔同嘅嘢， 餐廳坐得舒服之餘服務人員又真係有心咁為你服務！ 值得推薦下次再黎。
continue reading
喺香港都食過好多唔同嘅西班牙菜，但係成日都覺得唔夠正宗，呢間隱藏喺廟街嘅西班牙餐廳可以比到好大驚喜哦！其實呢間餐廳嘅地理位置好方便，就喺廟街牌坊嘅隔離，但係可能因為比較少宣傳，所以好容易會忽略，而我同朋友咁啱經過廟街見到有西班牙菜，就確定想去試吓！因為係生日飯，所以我哋都食得比較好，當日我哋叫咗一個二人餐，佢嘅份量好多，而且各種食物搭配都好好！認真驚喜！淨係前菜就有四個，十分有誠意！沙律配雪利酒醃製西蕃茄、菠菜和曼切戈芝士刨花呢個係普通嘅沙律，但係沙律菜好新鮮，蕃茄仔又酸酸甜甜，用嚟開會好不錯！芝士拼盤配香橙和果梅 搭配:烤麵包烤麵包好乾身，咬落去脆卜卜，熱辣辣！麵包嘅麥香味好重！而佢搭配唔同嘅芝士，可以用唔同嘅口感同味道！烤八爪魚配法瓦豆泥呢個十分出色，八爪魚烤到啱啱好，完全唔會太韌！肉質咬落結實彈牙！豆泥磨得好細膩，食落好滑！香烤蝦配胡椒和特級榨橄欖油呢個啲蝦都好好味，味道都係蝦殼上面，需要成隻蝦擺落口慢慢吮！蝦肉好新鮮，好彈牙！西班牙海鮮飯呢個係我覺得食過最正宗嘅西班牙海鮮飯！個飯底好香，而且粒粒都好飽滿，啲飯有比較硬身有咬口，完全唔會好林！烤牛柳配松露醬烤南瓜牛柳好嫩，完全唔會過熟，一啲都唔鞋，裏面嘅肉汁好多，係高質嘅牛柳！蘋果撻配太妃糖干酪上面嘅蘋果烤得好好，完全唔會太乾，而失去晒水份，而且食落酸酸甜甜，個餅底好鬆脆，識落好有層次！西班牙油炸鬼你講得好盞鬼，油炸鬼好香好熱，最特別嘅係佢配嘅就係cappuccino，而唔係平時食開嘅糖或者係好甜嘅嘢，最新嘅油炸鬼沾上少少汁之後咬落口，一開始會食到微微嘅甘苦味，而後邊又會有油炸鬼本身嘅甜香，好正！店名：EI Portal 地址：佐敦道37號A-B 得寶城商業中心2樓
continue reading
行到廟街牌坊附近見到有個廣告牌幾特別好似一幅油畫咁原來喺間餐廳的招牌，間餐廳係大廈嘅二 樓，餐廳內放有一個大酒櫃及一個大屏幕，室內佈置簡約，環境整潔乾淨，見到D枱凳都幾大張，枱與枱之間唔會好迫，坐得好舒服，侍應姐姐安排座位后送來加了( 電解質 )白開水，幾特別。 睇到餐牌D菜名好吸引。烤八爪魚配法瓦豆泥八爪魚烤得剛剛好又鎖住D肉汁，食落柔軟有質感而且非常鲜味，而法瓦豆泥有D淡淡豆香味，配埋一齊食，味道更有層次。 西班牙炒飯熱辣辣西班牙炒飯送到台上，香噴噴嘅海鮮香味就湧曬出來，飯面上放入幾種海鮮有尤魚，藍青口，大蜆，大蝦份量都充足，食左一啖發現炒飯軟硬適中，好有咬口。配合大厨秘制醬汁，令到炒飯的味道有香氣又有鮮味，真係非常好食。呢間餐廳嘅食物幾啱我，下次會帶朋友再來。
continue reading