Video
Read full review
2017-12-21
110 views
好耐都無黎soho區飲野，呢度既餐廳其實都有唔少好選擇！今日放工過黎搵食見到係一眾酒吧當中夾住一間有氣氛小餐廳，大廚仲係門口介紹，似乎係新開不久！座位有一邊係梳化，望落地方細細但環境不錯，情侶、三五知己黎食飯飲野氣氛啱曬～wine menu價錢幾抵，$300唔使可以叫一枝酒，係soho區既價錢黎講十分老實～而menu雖然得1頁，但選擇其實都好多，前菜小食睇落都好吸引！不過我地兩個人，想食pizza，於是再叫多一個risotto加一個甜品就夠了！而且我地發現隔離檯食甜品都係食心太軟！首先我地叫Uncle Wyman Pizza/ Mechanical Engineer，因為入面有cajun chicken，係美式有啲辣既雞，配上茄子口感幾特別，烤得好好唔會一pat野，另外pizza餅底係手工做，有爐香亦有咬口，絕對正宗意大利風味！呢個配搭比較少有，唔想食黎食去都係辣肉腸、夏威夷pizza既朋友可以試一試呢個Uncle Wyman!呢度好細心，包括大廚得兩個人打理，但佢地會十分留意我地食完第一道菜先會上第二道菜，仲會提醒你趁熱食～第二道係鵝肝risotto，油香十足！大廚見到我地仲未動手忍
座位有一邊係梳化，望落地方細細但環境不錯，情侶、三五知己黎食飯飲野氣氛啱曬～wine menu價錢幾抵，$300唔使可以叫一枝酒，係soho區既價錢黎講十分老實～
而menu雖然得1頁，但選擇其實都好多，前菜小食睇落都好吸引！不過我地兩個人，想食pizza，於是再叫多一個risotto加一個甜品就夠了！而且我地發現隔離檯食甜品都係食心太軟！
首先我地叫Uncle Wyman Pizza/ Mechanical Engineer，因為入面有cajun chicken，係美式有啲辣既雞，配上茄子口感幾特別，烤得好好唔會一pat野，另外pizza餅底係手工做，有爐香亦有咬口，絕對正宗意大利風味！呢個配搭比較少有，唔想食黎食去都係辣肉腸、夏威夷pizza既朋友可以試一試呢個Uncle Wyman!
Uncle Wyman Pizza - Cajun chicken, eggplant,,
$168
24 views
0 likes
0 comments
呢度好細心，包括大廚得兩個人打理，但佢地會十分留意我地食完第一道菜先會上第二道菜，仲會提醒你趁熱食～第二道係鵝肝risotto，油香十足！大廚見到我地仲未動手忍唔住叫我地趁鵝肝最好食既時候就要食！
圍住risotto既係煎鵝肝既油，撈勻啲飯一齊食，充滿鵝肝香味！飯亦有啲咬口，保留意大利米既特色，我鐘意！而家好多地方都遷就香港人食飯要軟熟而over cook意大利米但就浪費左意大利既特色！而鵝肝煎得好好，外面煎得少少焦香，而切開裡面係啱啱熟非常嫩滑！實在難得！自己好耐無整過呢道菜，相個再整返會退步，深知煎鵝肝其實幾難煎熟之餘唔好煎過火，要比個讚👍🏻
黑松露忌廉野菌配鵝肝risotto
$198
20 views
0 likes
0 comments
同大廚言談期間，佢話佢地最出名既係龍蝦湯，哈哈我地果然無做功課！不過唔遲，立即補上！龍蝦湯呈橘黃色，中間有粒煎帶子，入口龍蝦味十分濃郁！而且飲到有龍蝦膏味既甘香加上忌廉既滑！雖然同之前係歐洲飲到既lobster bisque有所差距，不過咁濃咁鮮味既龍蝦湯實在難得係香港搵到！必試之選！粒帶子又要讚，表面鋪左麵包糠，外脆內軟，切開係啱啱8成熟，煎得好香好靚，係呢個湯既點綴！
龍蝦湯
$68
11 views
0 likes
0 comments
最後我地亦以招牌心太軟做結尾，裡面流心，好濃既黑朱古力，跟雲尼拿雪糕是絕配！食得出大廚既功架，言談間原來佢來頭唔細，確實一讚👍🏻
心太軟
$68
9 views
0 likes
0 comments
Post
