👣 Le Jardin à Soho 👣
🪴🪴🪴🪴🪴🪴🪴🪴🪴🪴🪴🪴🪴🪴🪴🪴🪴
位於中環Soho區的Le Jardin à Soho走啡酒合一路線☕️🍷
下層為濃濃懷舊古典風情嘅酒吧 裝潢湖水綠色為主調
正門的半露天位置採用復古花紋瓷磚
入面則設有花牆梳化打卡位
經樓梯走上層一眨眼 就變身為小清新Cafe
左邊牆櫃擺滿小盆栽🪴同書本擺設 氣氛立即變得悠閒優雅
裝潢設計都貫徹店名Le Jardin 如同城市中的秘密花園🌸
意想不到呢間餐廳除咗打卡靚 食物都好高水準 好有自身特色😝
下次會再要嚟食 不過行過黎真係要啲腳力🤣
⭐️⭐️ 招牌香草焗雞(半隻)🐥配燒粟米🌽 HKD$198 ⭐️⭐️
一上枱見到半隻雞份量都幾十足
雞皮焗得微脆 迫出油香 好香口 熱辣辣嘅肉質好鮮嫩好juicy
旁邊嘅燒粟米🌽反而係驚喜 粟米先有細心處理
切成細條方便食用
以牛油烤焗超香口 而且粟米粒都幾甜 好有夜市風味
大推！
味道：🌕🌕🌕🌕🌗
⭐️⭐️ 大澳蝦醬炸雞鎚🍗 HKD$118 ⭐️⭐️
好有香港特色嘅口味🤩
第一次見到有cafe以大澳蝦醬作為調味口味
本身以為大澳蝦醬調味會好鹹 但係佢醃得鹹香好入味但完全唔係死鹹😙
而且雞鎚炸得好酥脆
同平時嗰啲好唔同
呢款雞鎚炸得完全沒有油膩感 頗乾爽
都係好高質🤤
味道：🌕🌕🌕🌕🌖
⭐️⭐️ 檸檬伯爵茶配雲呢拿雪糕🍋 HKD$138 ⭐️⭐️
今次試咗檸檬伯爵茶口味嘅厚身pancake
厚身pancake如飛碟般嘅圓形狀😜
口感外酥內厚實 每一口都充滿蛋香同麵粉香
面層有雲呢拿雪糕球配檸檬絲
香濃的伯爵茶醬則另外淋上自己喜愛的份量
伯爵茶醬香甜又有濃烈伯爵茶香😋
檸檬清新感撞落香甜伯爵茶味好好食
完全唔甜膩！
味道：🌕🌕🌕🌖🌑
⭐️⭐️ Sesame & Charcoal Latte☕️ HKD $45 ⭐️⭐️
芝麻latte面層以天鵝拉花作裝飾 前段入口尚算順滑入口😙
黑白配色頗型格 建議要攪拌均勻才飲 因喝到底會比較多芝麻的顆粒😂
味道：🌕🌕🌕🌗🌑
⭐️⭐️Cocktail - The hidden coconut🥥 HKD$90 ⭐️⭐
️
好清爽嘅感覺 好易入口完全唔覺得有酒精
椰子水中帶有微微柚子同紫蘇味 燒酒味道基本上唔明顯🤣
頗特別嘅口味😌
味道：🌕🌕🌕🌕🌑
