Video
Read full review
2022-02-13
60 views
燒得棧今晚夜咗少少收工，諗住食少啲飯冇咁肥，於是就走咗去虹橋果邊揾野食。行到景峯果邊，揾到間串燒小店，咁就試下佢手勢！呢到既串燒種類都算多，連少有既雞皮都有。除咗串燒之外，佢仲有其他炸物比客人選擇。而家佢地亦有特色menu，例如有串燒日本雞心同埋封門柳拼薯條等等。睇完menu，我地好快就落咗單。而係等緊既期間，老闆亦都好好客地同我地講下食材既來貨同烹調既手法同理念。燒得棧有部分食材會用日本來貨，而食材亦唔會儲存得太耐，以免食材唔新鮮而影響食物品質。而醬汁方面，亦選用日本來貨既醬料，食落唔會死咸同唔會太多味精。而食得辣既朋友亦可以係落單既時候選擇大中少辣，佢地仲有款爆菊辣，想挑戰既朋友可以一試。係同老闆傾談既期間都睇得出佢對食物品質既要求，佢地唔用大量既孜然粉，希望特出返食材本身既味道！ 聽完老闆講，令我地都好期待！我地叫咗以下呢幾樣野食燒牛小排燒牛舌燒自家製雞翼(3隻）燒雞皮燒墨魚丸，龍蝦丸燒徳國黑椒腸芝士免治燒雞肉棒燒雞腎燒翠肉瓜燒韭菜炭燒雞肉串燒廚師腸 整體黎講，所有食材都燒得恰到好處，唔會有燒到太乾身既情況出現。而味道方面，所有野食都唔會食到太勁既孜然味，而串燒都係走日式串燒既風
今晚夜咗少少收工，諗住食少啲飯冇咁肥
，於是就走咗去虹橋果邊揾野食。行到景峯果邊，揾到間串燒小店，咁就試下佢手勢！
呢到既串燒種類都算多，連少有既雞皮都有。除咗串燒之外，佢仲有其他炸物比客人選擇。而家佢地亦有特色menu，例如有串燒日本雞心同埋封門柳拼薯條等等。
睇完menu，我地好快就落咗單。而係等緊既期間，老闆亦都好好客地同我地講下食材既來貨同烹調既手法同理念。燒得棧有部分食材會用日本來貨，而食材亦唔會儲存得太耐，以免食材唔新鮮而影響食物品質。而醬汁方面，亦選用日本來貨既醬料，食落唔會死咸同唔會太多味精。而食得辣既朋友亦可以係落單既時候選擇大中少辣，佢地仲有款爆菊辣，想挑戰既朋友可以一試。係同老闆傾談既期間都睇得出佢對食物品質既要求，佢地唔用大量既孜然粉，希望特出返食材本身既味道！ 聽完老闆講，令我地都好期待！
我地叫咗以下呢幾樣野食
燒牛小排
燒牛舌
燒自家製雞翼(3隻）
燒雞皮
燒墨魚丸，龍蝦丸
燒徳國黑椒腸
芝士免治燒雞肉棒
燒雞腎
燒翠肉瓜
燒韭菜
炭燒雞肉串
燒廚師腸
整體黎講，所有食材都燒得恰到好處，唔會有燒到太乾身既情況出現。而味道方面，所有野食都唔會食到太勁既孜然味，而串燒都係走日式串燒既風格，用燒汁去提味。
牛小排肉味好香，雖然油脂感唔算重，但唔會柴口，肉味濃郁。而牛舌方面都好厚切同大塊，咬落雖然未到牛舌芯咁嫩，但都好容易咬得開，每啖咬落都食到啖啖牛味！
燒雞皮雖然食既時候已經凍咗，但仍然食到雞油既甘香。雞皮凍咗仍然有啲位好脆口，係現場食一定更香更脆！燒免治雞肉棒係男朋友最愛，啖啖肉之餘入面仲有少少雞軟骨去增加口感，加上上面既芝士，令味道更加豐富，必食之作！
蔬菜方面，燒韭菜燒得好juicy，而且韭菜來貨好靚，完全冇渣，味道濃郁，有驚喜！翠肉瓜都好香甜！
其他串燒味道好正常，下次希望可以試到堂食啦，試埋佢個燒白鱔同埋燒娃娃菜！
真係非常推介依間小串燒店！非常值得一試！😋😋😋
Post
