火鍋隨意門

Open Now

Now Closed

今晚約咗同事一齊打邊爐，佢一早book間好特別既火鍋店！就係呢間火鍋隨意門，可以隨意穿梭四大國家，日本、法國、土耳其、中國，唔同主題，各有特色，滿滿打卡位！今晚就坐充滿中東色彩既土耳其主題大廳，特別選用彩陶碟、熱氣球牆畫、掛毯等，真係好似置身土耳其咁，勁開心！招牌花膠雞湯鍋一片金黃色澤既湯底足料又鮮甜，特別用上三黃雞熬製，味道濃郁！店員會協助剪開花膠，食落好軟滑黏口，勁多膠質，滿滿骨膠原！！雞件份量都幾多，啖啖肉，正～極上手切牛肉拼盤同同事都勁鍾意食牛，揀呢個牛肉拼盤就岩哂我地！可以一次過試哂牛頸脊、安格斯牛肉、雪花牛肉、牛胸尖、牛舌、牛黃喉、牛肉粒，真係大滿足！款款都可以試到！比較推薦牛頸脊，鮮嫩爽滑，肉味濃郁～黑松露墨魚丸濃濃黑松露香，墨魚丸爽口又彈牙。鹹蛋黃炒炸魚皮口感相當酥脆，充滿鹹蛋黃香，令人忍唔住食完再食，勁香口！菜心苗翠嫩又香甜，健康之選。